ସମ୍ବଲପୁର : ସମ୍ବଲପୁର- ବୁର୍ଲା ରାସ୍ତାର ଲକ୍ଷ୍ମୀଡ଼ୁଙ୍ଗୁରୀ ନିକଟରେ ରାସ୍ତାକୁ ଲାଗିଥିବା ରେଳ ଧାରଣା ଉପରେ ରବିବାର ଏକ କଣ୍ଟେନର ଚଢିଯାଇଥିବା ଜଣାପଡ଼ିଛି। ସୂଚନା ଅନୁଯାୟୀ, କଣ୍ଟେନର ଡ଼୍ରାଇଭର ଅଳ୍ପକେ ବର୍ତ୍ତି ଯାଇଛନ୍ତି। କୌଣସି ଜନଜୀବନ କ୍ଷୟକ୍ଷତି ହୋଇନାହିଁ। କଣ୍ଟେନରଟି ରେଳ ଧାରଣା ଉପରେ ଚଢିଯିବା ଫଳରେ ସମ୍ବଲପୁର- ହୀରାକୁଦ ମଧ୍ୟରେ ଟ୍ରେନ ଚଳାଚଳରେ ବାଧାପ୍ରାପ୍ତ ହେବା ସହ ବିଭିନ୍ନ ଷ୍ଟେସନରେ ଟ୍ରେନ ଅଟକି ରହିଥିବା ଜଣାପଡ଼ିଛି। ରେଳ ଧାରଣାରୁ କଣ୍ଟେନରକୁ କାଢିବା ପାଇଁ କର୍ମଚାରୀ ମାନେ ଘଟଣାସ୍ଥଳରେ ପହଞ୍ଚିଛନ୍ତି।
