ମୁମ୍ବଇ: ବଲିଉଡ଼ର ଲୋକପ୍ରିୟ ରାପର୍ ରଫ୍ତାର୍ଙ୍କ କରୋନା ରିପୋର୍ଟ ପଜିଟିଭ୍ ଆସିଛି। ଏନେଇ ସାମାଜିକ ଗଣମାଧ୍ୟମ ଜରିଆରେ ସେ ନିଜେ ସୂଚନା ଦେଇଛନ୍ତି। ବର୍ତ୍ତମାନ ସେ ହୋମ୍ କ୍ୱାରେଣ୍ଟାଇନରେ ଅଛନ୍ତି। ତେବେ ରଫ୍ତାରଙ୍କ କହିବାନୁସାରେ, ସେ ସମ୍ପୂର୍ଣ୍ଣ ସୁ୍ସ୍ଥ ଅନୁଭବ କରୁଛନ୍ତି ହୁଏତ କୌଣସି ଯାନ୍ତ୍ରିକ ତ୍ରୁଟି ହୋଇଥାଇପାରେ।
ସେ ନିଜ ଇନ୍ଷ୍ଟାଗ୍ରାମ୍ ପୋଷ୍ଟରେ ଲେଖିଛନ୍ତି, “ମୁଁ ଆପଣଙ୍କୁ କିଛି କହିବାକୁ ଚାହୁଁଛି। ମୁଁ ରାଓଡିଜ୍ ଶୁଟିଂ ପାଇଁ ଯିବାର ଥିଲା। ଏହା ପୂର୍ବରୁ ମୋଟ କୋଭିଡ୍ ଟେଷ୍ଟ କରାଗଲା। ମୋର ପ୍ରଥମ ଦୁଇଟି ଟେଷ୍ଟ ନେଗେଟିଭ୍ ଆସିଥିଲା କିନ୍ତୁ ତୃତୀୟଟି ପଜିଟିଭ୍ ଆସିଲା। ବିଏମ୍ସିର ପରାମର୍ଶ କ୍ରମେ ବର୍ତ୍ତମାନ ମୁଁ ହୋମ୍ କ୍ଵାରେଣ୍ଟାଇନ୍ରେ ଅଛି।”
ସେ ଆହୁରି ଲେଖିଛନ୍ତି, “ମୁଁ ପରବର୍ତ୍ତୀ ଟେଷ୍ଟ ପାଇଁ ଅପେକ୍ଷା କରିଛି। କାରଣ ମୋତେ ଲାଗୁଛି ଏହା ଯାନ୍ତ୍ରିକ ତ୍ରୁଟି ଯୋଗୁଁ ହୋଇଥାଇପାରେ। କାରଣ ମୁଁ ଏବେ ସମ୍ପୂର୍ଣ୍ଣ ସୁସ୍ଥ ଅଛି। ମୋର କୌଣସି ପ୍ରକାର ଲକ୍ଷଣ ମଧ୍ୟ ନାହିଁ। କିନ୍ତୁ ନିଜକୁ ଆଇସୋଲେସନ୍ରେ ରଖିବା ମୋର କର୍ତ୍ତବ୍ୟ। ମୁଁ ସୁସ୍ଥ ଅଛି। ଆଗକୁ ମୋ ସ୍ଵାସ୍ଥ୍ୟ ବିଷୟରେ ମୁଁ ସୂଚନା ଦେବି।”
