ନୂଆଦିଲ୍ଲୀ : ରାଫେଲ ଯୁଦ୍ଧ ବିମାନ ବୁଝାମଣାକୁ ନେଇ ଦେଖାଯାଇଥିବା ବିବାଦ ଭାରତ-ଫ୍ରାନ୍ସ ସମ୍ପର୍କକୁ ପ୍ରଭାବିତ କରିବ ନାହିଁ ବୋଲି ଫ୍ରାନ୍ସ ରାଷ୍ଟ୍ରଦୂତ ଆଲେକଜାେଣ୍ଡ୍ର ଇଗଲର କହିଛନ୍ତି। ନୂଆଦିଲ୍ଲୀରେ ଅବସ୍ଥାପିତ ଫ୍ରାନ୍ସ ରାଷ୍ଟ୍ରଦୂତ ଇଗଲର ଜୟପୁରରେ ଆୟୋଜିତ ସାହିତ୍ୟ ସମ୍ମିଳନୀରେ ଯୋଗ ଦେଇ କହିଛନ୍ତି ଯେ ରାଫେଲ ବିବାଦ ସ୍ବଳ୍ପ ସମୟର ରାଜନୈତିକ ପ୍ରସଙ୍ଗ। ଖୁବଶୀଘ୍ର ଏହାର ଅନ୍ତ ଘଟିବ। ତେଣୁ ଏହା ଦ୍ବାରା ଦୁଇ ଦେଶର ସମ୍ପର୍କ ପ୍ରଭାବିତ ହେବ ନାହିଁ। ସେ କହିଛନ୍ତି ଭାରତ-ଫ୍ରାନ୍ସର ସମ୍ପର୍କ ୭୦ବର୍ଷର ପୁରୁଣା। ଉଭୟ ଦେଶ ପରସ୍ପରର ଭଲ ଓ ମନ୍ଦ ସମୟରେ ଉପସ୍ଥିତ ରହିଆସିଛନ୍ତି। ଭାରତର ତିନି ଲକ୍ଷ ଯୁବକଙ୍କୁ ଫ୍ରାନ୍ସ ସରକାର ନିଯୁକ୍ତି ସୁଯୋଗ ଯୋଗାଇ ଦେଇଛନ୍ତି। ଏହା ସହିତ ପର୍ଯ୍ୟଟନ, ଶିକ୍ଷା ଓ ପ୍ରତିରକ୍ଷା କ୍ଷେତ୍ରରେ ଦୁଇ ଦେଶର ସୁ ସମ୍ପର୍କ ରହିଛି। ଆଗାମୀ ଦିନରେ ମଧ୍ୟରେ ଏହି ସମ୍ପର୍କ ବଜାୟ ରହିବ। ଭାରତରେ ସରକାର ପରିବର୍ତ୍ତନ ହେଲେ ମଧ୍ୟ ଦୁଇ ଦେଶର ସମ୍ପର୍କ ପ୍ରଭାବିତ ହେବ ନାହିଁ ବୋଲି ଇଗଲର କହିଛନ୍ତି।
Popular Categories
Previous article
Next article