ଜଙ୍ଗଲରେ ଅଜଗର-ଚିତା ବାଘ ଲଢ଼େଇ, ଦେଖନ୍ତୁ ଭିଡିଓ

ନାଇରୋବି: ଚିତା ବାଘକୁ ଗିଳିବାକୁ ଉଦ୍ୟମ କରି ଏକ ବିରାଟ ଅଜଗର ଜୀବନ ହରାଇଛି। ଚିତାଟି ଅଜଗରର ଖପୁରୀକୁ କାମୁଡ଼ି ନଷ୍ଟ କରିଦେବା ଫଳରେ ତା’ର ମୃତ୍ୟୁ ଘଟିଛି। ଏସବୁ ଘଟଣାର ଦୃଶ୍ୟ କ୍ୟାମେରାରେ କଏଦ ହୋଇଥିବାବେଳେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଘଟଣାଟି କେନିୟାର ମାସାଇ ମାରା ଟ୍ରାଏଙ୍ଗଲ ରିଜର୍ଭରେ ଘଟିଛି। ବନ୍ୟଜନ୍ତୁ ଫଟୋଗ୍ରାଫର ମାଇକ୍‌ ୱେଲଟନ ଏହି ଦୃଶ୍ୟକୁ ନିଜ କ୍ୟାମେରାରେ ଉତ୍ତୋଳନ କରିଛନ୍ତି।

ଭିଡିଓରେ ଦେଖିବାକୁ ମିଳିଛି ଯେ, ଏକ ବିରାଟ ଅଜଗର ଏବଂ ବଡ଼ ଚିତା ମଧ୍ୟରେ ଲଢ଼େଇ ହୋଇଛି। ଅଜଗରଟି ଚିତାକୁ ଆକ୍ରମଣ କରି ତା’କୁ ଗିଳିବାକୁ ଉଦ୍ୟମ କରିଛି। କିନ୍ତୁ ଚିତାଟି ଅଜଗର ସହ ଲଢ଼େଇ କରିବା ସହିତ ଅଳ୍ପ କିଛି ସମୟ ମଧ୍ୟରେ ତାକୁ ମାରିଦେଇଛି। ଚିତା ବାଘଟି ଅଜଗରର ମୁଣ୍ଡକୁ କାମୁଡ଼ି ଦେବାରୁ ତା’ର ଖପୁରୀ ନଷ୍ଟ ହେବା ସହିତ ପ୍ରାଣବାୟୁ ଉଡ଼ିଯାଇଛି। ସୋସିଆଲ ମିଡିଆରେ ମାଇକ୍‌ ୱେଲଟନ ଏହି ଭିଡିଓକୁ ଶେୟାର କରିବା ପରେ ତାହା ଫେସବୁକ, ଇନଷ୍ଟାଗ୍ରାମ ଏବଂ ଟ୍ବିଟରରେ ଭାଇରାଲ ହେବାରେ ଲାଗିଛି।