ପୁରୀ : ଆଜି ଆଷାଢ ଶୁକ୍ଳ ଦ୍ୱିତୀୟା ତିଥି-ପବିତ୍ର ରଥଯାତ୍ରା। ରତ୍ନ ସିଂହାସନ ଛାଡି ବଡଦାଣ୍ଡକୁ ଆସିବେ ଶ୍ରୀଜିଉ। ତିନି ରଥରେ ବିଜେ ହୋଇ ଗୁଣ୍ଡିଚା ମନ୍ଦିରକୁ ଯିବେ ତିନି ଠାକୁର। ଶ୍ରୀଜିଉଙ୍କ ଦର୍ଶନ ପାଇଁ ରଥ, ପଥର ପ୍ରସ୍ତୁତି ଶେଷ ହୋଇ ସାରିଛି। ନିର୍ଦ୍ଧାରିତ ସମୟନୁସାରେ ମହାପ୍ରଭୁଙ୍କ ସମସ୍ତ ନୀତିକାନ୍ତି ଆରମ୍ଭ ହେବା ସହ ଧାଡି ପହଣ୍ଡିରେ ତିନି ରଥକୁ ବିଜେ କରୁଛନ୍ତି ଚତୁର୍ଦ୍ଧାମୂର୍ତ୍ତି। କାହାଳୀ ବାଜିବା ସହ ଆରମ୍ଭ ହୋଇ ସାରିଛି ପହଣ୍ଡି ବିଜେ। ଧାଡି ପହଣ୍ଡିରେ ତିନି ରଥକୁ ବିଜେ କରୁଛନ୍ତି ଚତୁର୍ଦ୍ଧାମୂର୍ତ୍ତି। ହୁଳହୁଳି, ହରିବୋଲ ଧ୍ୱନିରେ ସିଂହଦ୍ୱାର ସହ ସମସ୍ତ ଅଞ୍ଚଳ ପ୍ରକମ୍ପିତ ହୋଇଛି। ଦେବଦଳନରେ ବିରାଜମାନ କରିଛନ୍ତି ଶ୍ରୀସୁଦର୍ଶନ। ରଥାରୁଢ ହୋଇଛନ୍ତି ଶ୍ରୀବଳଭଦ୍ର ଓ ଦେବୀ ସୁଭଦ୍ରା। ଏହି ପବିତ୍ର ରଥଯାତ୍ରା ଅବସରରେ ଶ୍ରୀକ୍ଷେତ୍ରରେ ଲକ୍ଷାଧିକ ଭକ୍ତଙ୍କ ସମାଗମ ହୋଇଛି।
Comments are closed.