ପୁରୀ : ଶ୍ରୀକ୍ଷେତ୍ର ପୁରୀରେ ଜଣେ ଯୁବତୀଙ୍କୁ ଗଣବଳାତ୍କାର ମାମଲାରେ ରବିବାର ଚତୁର୍ଥ ଅଭିଯୁକ୍ତକୁ ରାୟଗଡ଼ାରୁ ଗିରଫ କରିଛି ପୁରୀ ପୁଲିସ। ରାୟଗଡ଼ାସ୍ଥିତ ନାଗାବଳି ନଦୀ ନିକଟରୁ ଅଭିଯୁକ୍ତ ଧରାପଡିଥିବା ଜଣାପଡ଼ିଛି। ପୂର୍ବରୁ ମୁଖ୍ୟ ଅଭିଯୁକ୍ତ ଜିତେନ୍ଦ୍ର କୁମାର ସେଠୀ ସହ ୩ ଜଣ ଧରାପଡ଼ିଥିଲେ।
ସୂଚନାଯୋଗ୍ୟ, ପୀଡିତା ଜଣଙ୍କ ଭୁବନେଶ୍ବରର ଏକ ଘରୋଇ ସଂସ୍ଥାରେ ସେ କାର୍ୟ୍ୟ କରୁଥିଲେ। ସୋମବାର ସେ ଘରକୁ ଯିବା ପାଇଁ ବାହାରି ଥିଲେ। ବସ୍ ଯୋଗେ ସେ ନିମାପଡାରେ ଓହ୍ଳାଇଥିଲେ। ସେଠାରେ ଏକ ଦୋକାନରେ ଖାଇବା ପରେ କାକଟପୁର ଯିବାପାଇଁ ଅନ୍ୟ ଏକ ବସ୍କୁ ଅପେକ୍ଷା କରିଥିଲେ। ଜିତେନ୍ଦ୍ର ତାଙ୍କ ପାଖରେ ପହଞ୍ଚି ଯୁବତୀଙ୍କ ପରିଚୟ ବୁଝିଥିଲେ। ଗାଡିରେ ନେଇ ଘରେ ଛାଡିଦେବାକୁ ତାଙ୍କୁ ପ୍ରତିଶ୍ରୁତି ଦେଇଥିଲେ। ଯୁବତୀଙ୍କୁ ଏକ କାର୍ରେ ବସାଇ କାକଟପୁର ପରିବର୍ତ୍ତେ ସେ ପୁରୀ ନେଇଥିଲେ। କାର୍ରେ ଅନ୍ୟ ୩ଜଣ ବ୍ୟକ୍ତି ଥିଲେ। ଝାଡେଶ୍ବରୀ କ୍ଲବ ନିକଟସ୍ଥ ପୁଲିସ କ୍ବାର୍ଟର ଭିତରେ କନଷ୍ଟେବଳଙ୍କ ସମେତ ଅନ୍ୟ ଜଣେ ବ୍ୟକ୍ତି ତାଙ୍କୁ ବଳାତ୍କାର କରିଥିଲେ ବୋଲି ପୀଡିତା ବୟାନ ଦେଇଥିନ୍ତଲେ।
