ନୂଆଦିଲ୍ଲୀ: ରାଜନୈତିକ ଦଳଗୁଡ଼ିକୁ ସୂଚନା ଅଧିକାର ଆଇନ ପରିସରଭୁକ୍ତ ପାଇଁ ଆବେଦନ ପୂର୍ବକ ସୁପ୍ରିମକୋର୍ଟରେ ମାମଲା ରୁଜୁ ହୋଇଛି। ଆଇନଜୀବୀ ତଥା ବିଜେପି ନେତା ଅଶ୍ବିନୀ ଉପାଧ୍ୟାୟ ଏହି ଆବେଦନରେ ଦେଶର ସମସ୍ତ ସ୍ବୀକୃତ ରାଜନୈତିକ ଦଳଙ୍କୁ ‘ପବ୍ଲିକ ଅଥରିଟି’ ଭାବେ ଗ୍ରହଣ କରାଯିବାକୁ ଦାବି କରିଛନ୍ତି। ସୂଚନା ଅଧିକାର ଆଇନର ଧାରା-୨(ଏଚ୍) ଓ ସମ୍ବିଧାନର ଦଶମ ଅନୁଚ୍ଛେଦ ଓ ଜନ ପ୍ରତିନଧି ଆଇନର ଧାରା- ୨୯(କ, ଖ, ଗ) ଅନୁସାରେ ଦଳଗୁଡ଼ିକୁ ‘ପବ୍ଲିକ ଅଥରିଟି’ ଭାବେ ଘୋଷଣା କରାଯାଇପାରିବ ବୋଲି ସେ ଦର୍ଶାଇଛନ୍ତି। ଦଳଗୁଡ଼ିକ ଟିକସ ରିଆତି ପାଉଥିବାରୁ ଏହା ଅପରିହାର୍ୟ୍ୟ ବୋଲି ତାଙ୍କର ଯୁକ୍ତି। ଏଥିସହିତ ଜନ ପ୍ରତିନିଧି ଆଇନର ଧାରା-୨୯(ସି) ଅନୁସାରେ ରାଜନୈତିକ ଦଳଗୁଡ଼ିକ ବିଭିନ୍ନ କ୍ଷେତ୍ରରୁ ଦାନ ବା ସହାୟତା ଆକାରରେ ଯେଉଁ ଅର୍ଥ ପାଉଛନ୍ତି ସେ ସମ୍ପର୍କରେ ସବିଶେଷ ତଥ୍ୟ ନିର୍ବାଚନ ଆୟୋଗଙ୍କୁ ପ୍ରଦାନ ପାଇଁ ନିର୍ଦେଶ ଦେବାକୁ ସେ ଆବେଦନ କରିଛନ୍ତି। ସବୁ ଦଳ ୪ ସପ୍ତାହରେ ସୂଚନା ଅଧିକାରୀ ନିଯୁକ୍ତ କରିବାକୁ ସେ ଦାବି କରିଛନ୍ତି।
Comments are closed.