ତୁରୁମୁଙ୍ଗା ଅଞ୍ଚଳରୁ ଚୋରି ସୁନା ଉଦ୍ଧାର

ପାଟଣା: ଚମ୍ପୁଆ ଅଞ୍ଚଳରୁ ଚୋରି ଘଟଣାର ତଦନ୍ତ କରି ଚମ୍ପୁଆ ପୁଲିସ ୨ ଜଣ ଅଭିଯୁକ୍ତଙ୍କୁ ଗିରଫ କରିବା ସହିତ ଚୋରି ସାମଗ୍ରୀ ତୁରୁମୁଙ୍ଗା ଥାନା ଅଞ୍ଚଳରୁ ଜବତ କରିଛି। ତୁରୁମୁଙ୍ଗା ନିକଟ ତ୍ରିବିନ୍ଧା ହାଟ ପଡ଼ିଆ ପାଖ ଏକ ପରିତ୍ୟକ୍ତ ପୋଖରୀରୁ ଚୋରି ଅଳଙ୍କାରକୁ ଉଦ୍ଧାର କରାଯାଇଛି। ଏକ ଡବା ଓ ପଲିଥିନ ଭିତରେ ସୁନା ଅଳଙ୍କାର ଲୁଚାଇ ପୋଖରୀରେ ଫିଙ୍ଗି ଦେଇଥିଲେ ଅଭିଯୁକ୍ତ। ପୁଲିସ ଅଭିଯୁକ୍ତମାନଙ୍କୁ ଉକ୍ତ ସ୍ଥାନକୁ ନେଇ ଚୋରି ସାମଗ୍ରୀ ଜବତ କରିଛି।