ପଶ୍ଚିମବଙ୍ଗ: ପଶ୍ଚିମବଙ୍ଗରେ ସୋମବାର ସକାଳ ୭ଟାରେ ମତଦାନ ଆରମ୍ଭ ହେବାର କିଛି ସମୟ ପରେ ଆସୋନସଲରେ ନିର୍ବାଚନୀ ହିଂସା ଦେଖାଦେଇଛି। ଆସୋନସଲ ଲୋକସଭା ଆସନ ଅନ୍ତର୍ଗତ ଜେମୁଆ ମତଦାନ କେନ୍ଦ୍ର ବାହାରେ ବିଜେପି ଏବଂ ତୃଣମୂଳ କଂଗ୍ରେସସ ସମର୍ଥକଙ୍କ ମଧ୍ୟରେ ଗଣ୍ଡଗୋଳ ସୃଷ୍ଟି ହୋଇଥିଲା। ତେବେ ଏହି ଗଣ୍ଡଗୋଳ କ୍ରମେ ହିଂସାତ୍ମକ ରୂପ ନେବାରୁ ପୁଲିସ ଲାଠିଚାର୍ଜ କରିଛି।
ମିଳିଥିବା ସୂଚନା ଅନୁଯାୟୀ, ଆସୋନସଲ ଆସନରୁ ବିଜେପି ସାଂସଦ ବାବୁଲ ସୁପ୍ରିୟ ଏବଂ ଟିଏମସିର ଅଭିନେତ୍ରୀ ମୁନମୁନ ସେନ ନିର୍ବାଚନ ଲଢ଼ୁଛନ୍ତି। ବିଜେପି ପ୍ରାର୍ଥୀ ବାବୁଲ ସୁପ୍ରିୟ ଅଭିଯୋଗ କରିଛନ୍ତି ଯେ ତାଙ୍କ ଗାଡି ଉପରେ ଆକ୍ରମଣ କରାଯାଇଛି ଏବଂ ଭଙ୍ଗାରୁଜା ମଧ୍ୟ ହୋଇଛି। ସେ ଟିଏମସି କର୍ମକର୍ତ୍ତାଙ୍କ ଉପରେ ଅଭିଯୋଗ ଆଣି କହିଛନ୍ତି, ସେ ସକାଳୁ ବିଭିନ୍ନ ମତଦାନ କେନ୍ଦ୍ର ପରିଦର୍ଶନ କରୁଥିଲେ କିନ୍ତୁ ଜେମୁଆ ମତଦାନ କେନ୍ଦ୍ର ବାହାରେ ତାଙ୍କ ଗାଡି ଉପରେ ଆକ୍ରମଣ ହୋଇଥିଲା।
Comments are closed.