ନୂଆଦିଲ୍ଲୀ : ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି (ସୋମବାର) ଭିଡିଓ ବାର୍ତ୍ତା ମାଧ୍ୟମରେ ଆଇନ ମନ୍ତ୍ରୀ ତଥା ଆଇନ ସଚିବ ମାନଙ୍କର ସର୍ବଭାରତୀୟ ସମ୍ମିଳନୀର ଉଦଘାଟନୀ ଅଧିବେଶନକୁ ସମ୍ବୋଧିତ କରିବେ ।
ଏହି ଦୁଇ ଦିନିଆ ସମ୍ମିଳନୀ ଆଇନ ଓ ନ୍ୟାୟ ମନ୍ତ୍ରଣାଳୟ ଦ୍ୱାରା ଗୁଜୁରାଟର ଏକତା ନଗରରେ ଆୟୋଜିତ ହେଉଛି । ଏହି ସମ୍ମିଳନୀର ନୀତି ନିର୍ଦ୍ଧାରଣକାରୀଙ୍କ ପାଇଁ ଭାରତୀୟ ଆଇନ ଏବଂ ନ୍ୟାୟିକ ବ୍ୟବସ୍ଥା ସହ ଆଲୋଚନା କରିବା ପାଇଁ ଏକ ସାଧାରଣ ଫୋରମ୍ ଯୋଗାଇବା । ଏହି ସମ୍ମିଳନୀ ମାଧ୍ୟମରେ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳ ସେମାନଙ୍କର ସର୍ବୋତ୍ତମ ଅଭ୍ୟାସ ସେୟାର କରିବାକୁ, ନୂତନ ଧାରଣା ଆଦାନ ପ୍ରଦାନ ଏବଂ ପାରସ୍ପରିକ ସହଯୋଗରେ ଉନ୍ନତି ଆଣିବାକୁ ସମର୍ଥ ହେବେ ।
ଏହି ସମ୍ମିଳନୀରେ ବିବାଦ ସମାଧାନର ବିକଳ୍ପ ବ୍ୟବସ୍ଥା ଯେପରିକି ଆରବିଟ୍ରେସନ ଏବଂ ସ୍ୱଳ୍ପ ବ୍ୟୟରେ ଶୀଘ୍ର ନ୍ୟାୟ ପାଇଁ ମଧ୍ୟସ୍ଥତା ପରି ବିଷୟଗୁଡିକ ଉପରେ ଆଲୋଚନା ହେବ । ଅନ୍ୟଗୁଡିକ ଭିତରେ ସାମଗ୍ରିକ ଭାବେ ଆଇନ ଭିତ୍ତିଭୂମିର ନବୀକରଣ; ପୁରୁଣା ନିୟମ ହଟାଇବା; ନ୍ୟାୟ ପାଇବାରେ ଉନ୍ନତି ଆଣିବା; ମାମଲାଗୁଡ଼ିକର ଅପେକ୍ଷାକୁ ହ୍ରାସ କରିବା ଏବଂ ଶୀଘ୍ର ଫଏସଲା ନିଶ୍ଚିତ କରିବା ; କେନ୍ଦ୍ର-ରାଜ୍ୟ ମଧ୍ୟରେ ଉନ୍ନତ ସମନ୍ୱୟ ପାଇଁ ରାଜ୍ୟ ବିଲ୍ ସମ୍ବନ୍ଧୀୟ ପ୍ରସ୍ତାବରେ ସମାନତା ଆଣିବା; ରାଜ୍ୟ ଆଇନ ବ୍ୟବସ୍ଥାର ମଜବୁତ ଆଦି ରହିବ ।
Comments are closed.