ବ୍ରହ୍ମପୁର: ଓଡ଼ିଶାର ଦୁଇ ଅତୁଳନୀୟ ବୀରପୁତ୍ର ନେତାଜୀ ସୁଭାଷ ଚନ୍ଦ୍ର ବୋଷ ଓ ବୀର ସୁରେନ୍ଦ୍ର ସାଏଙ୍କ ଜନ୍ମ ତିଥିକୁ ସ୍ମରଣୀୟ କରିବା ପାଇଁ ବ୍ରହ୍ମପୁର ସବୁଜ ବାହିନୀ ଓ ଦିଲ୍ଲୀ ପବ୍ଲିକ ସ୍କୁଲ, ଲାଞ୍ଜିପଲ୍ଲୀ ମିଳିତ ଆନୁକୁଲ୍ୟରେ ଶନିବାର ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏଥିରେ ମୁଖ୍ୟ ଅତଥିଭାବେ ସ୍କୁଲର ନିର୍ଦେଶକ ତଥା ମଧୁମେହ ବିଶେଷଜ୍ଞ ଡାକ୍ତର ସୁନିଲ୍ କୋଟା ଏବଂ ସମ୍ମାନିତ ଅତିଥି ଭାବେ ରୁବି ଚକ୍ଷୁ ମେଡିକାଲ ନିର୍ଦେଶକ ଓ ଚକ୍ଷୁ ବିଶେଷଜ୍ଞ ଡାକ୍ତର ବି. ନାଗେଶ୍ଵର ସୁବୁଦ୍ଧି ଯୋଗଦେଇ ବୃକ୍ଷରୋପଣ କରିବା ସହିତ ବୃକ୍ଷର ଉପକାରିତା ଉପରେ ବନ୍ଦନା କରିଥିଲେ।
ଡାକ୍ତର କୋଟା କହିଥିଲେ ଯେ, ଦେଶ ପରାଧୀନ ଥିବାବେଳେ ଯେମିତି ଦେଶକୁ ସ୍ଵାଧୀନତାର ଆବଶ୍ୟକତା ଥିଲା ଆଜି ସେମିତି ଦୂଷିତ ପୃଥିବୀକୁ ସନ୍ତୁଳିତ ସବୁଜ ଓ ସୁସ୍ଥ ରଖିବା ପାଇଁ ବୃକ୍ଷରୋପଣ ଓ ତାର ସୁରକ୍ଷାର ଆବଶ୍ୟକତା ରହିଛି। ସେଥିପାଇଁ ଆମେ ସମସ୍ତେ ଏମିତି ମହାପୁରୁଷମାନଙ୍କ ଜନ୍ମ ତିଥିକୁ ସ୍ମରଣୀୟ କରିବା ପାଇଁ ଵୃକ୍ଷରୋପଣ ଭଳି ମହତ୍ କାର୍ଯ୍ୟ କରିବା ଲାଗି ଆଗେଇ ଆସିବା ଉଚିତ।କାର୍ଯ୍ୟକ୍ରମରେ ସ୍କୁଲ ପରିସରରେ ଥିବା ବିଭିନ୍ନ ସ୍ଥାନରେ ୫୦ରୁ ଉର୍ଦ୍ଧ୍ୱ ଭିନ୍ନ ଭିନ୍ନ କିସମର ଫୁଲ ଓ ଫଳ ବୃକ୍ଷରୋପଣ କରାଯାଇଥିଲା।
ସ୍କୁଲର ପ୍ରଧାନ ଶିକ୍ଷକ ବୈକୁଣ୍ଠ ନାଥ ପଟ୍ଟନାୟକ ଓ ଶିକ୍ଷକ ଶିକ୍ଷୟିତ୍ରୀ ବୃନ୍ଦ ଏବଂ ରବିନ୍ ହୁଡ ଆର୍ମି ସଙ୍ଗଠନର ସଭାପତି ବିଜୟ ବାଗାରୀୟା ଓ ସଦସ୍ୟ ସଦସ୍ୟାମାନେ ଓ ସବୁଜ ବାହିନୀର ସଭାପତି ଶିବରାମ ପାଣିଗ୍ରାହୀ, ସମ୍ପାଦକ ପ୍ରସନ୍ନ କୁମାର ସ୍ବାଇଁ ଓ ପ୍ରଣୟ କୁମାର ସାହୁ, ବିନୋଦ, ସୁଜିତ୍ କୁମାର ଗୌଡ, ଏ. ପ୍ରକାଶ, ଗଣେଶ ପାଣିଗ୍ରାହୀ ପ୍ରମୁଖ ମିଳିମିଶି କାର୍ଯ୍ୟକ୍ରମ ପରିଚାଳନା କରିଥିଲେ।
