ପିପିଲି :‘ସମାଜ’ ପକ୍ଷରୁ ରାଜ୍ୟବ୍ୟାପୀ ଆରମ୍ଭ ହୋଇଥିବା ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହେଉଛି। ଏହି ପରିପ୍ରେକ୍ଷୀରେ ପିପିଲିରେ ଆଜି ଚାରାରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ପିପିଲି ପୌରାଞ୍ଚଳ ଅନ୍ତର୍ଗତ ଖଣ୍ଡିଆଗିରି ଗ୍ରାମ ସ୍ଥିତ ସରକାରୀ ପ୍ରାଥମିକ ବିଦ୍ୟାଳୟ ପରିସରରେ ଅନୁଷ୍ଠିତ ଏହି ଚାରାରୋପଣ କାର୍ଯ୍ୟକ୍ରମରେ ପଣ୍ଡିତ ପୂର୍ଣ୍ଣଚନ୍ଦ୍ର ପୁଷ୍ପାଳକ, ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ସୁମିତା ଦାସ, ବିଦ୍ୟାଳୟର ମୋ ସ୍କୁଲ ଅଭିଯାନ କମିଟିର ସଭାପତି ଯାଦବ ପ୍ରଧାନ, ଉତ୍କଳମଣି ସାମ୍ବାଦିକ ସଂଘର ସାଧାରଣ ସଂପାଦକ ବିଜୟ କୁମାର ମହାପାତ୍ର, ପିପିଲି ମହୋତ୍ସବ କମିଟିର ବ୍ରଜକିଶୋର ପ୍ରଧାନ, ମନୋଜ କୁମାର ସ୍ୱାଇଁ, ଶ୍ରୀଧର ନାୟକ, ପ୍ରଦୀପ୍ତ ରାଉତ, ଲୋକନାଥ ବେହେରା, ସୂର୍ଯ୍ୟକାନ୍ତ ବରାଳ, ପ୍ରିୟଦର୍ଶିନୀ ମଲ୍ଲିକ ପ୍ରମୁଖ ଯୋଗଦେଇ ବୃକ୍ଷରୋପଣର ଆବଶ୍ୟକତା ଓ ଉପକାରିତା ସଂପର୍କରେ ଆଲୋକପାତ କରିଥିଲେ। ଛାତ୍ରଛାତ୍ରୀଙ୍କ ସହ ମିଶି ଅତିଥିମାନେ ସେଠାରେ ଚାରାରୋପଣ କରିଥିଲେ। ଏଥିସହ ସ୍ଥାନୀୟ ହୁଙ୍କେଶ୍ୱର ଦେବଙ୍କ ମନ୍ଦିର ଚତୁଃପାର୍ଶ୍ବରେ ମଧ୍ୟ ବିଭିନ୍ନ ପ୍ରକାର ଔଷଧିୟ ଚାରାରୋପଣ କରାଯାଇଥିଲା। ପିପିଲି ‘ସମାଜ’ ପ୍ରତିନିଧି ପ୍ରଦ୍ୟୁମ୍ନ କୁମାର ସୁବୁଦ୍ଧି କାର୍ଯ୍ୟକ୍ରମକୁ ପରିଚାଳନା କରିଥିଲେ।
Popular Categories
Previous article
Next article