ପିପିଲି: ପିପିଲି ବ୍ଲକ ଅନ୍ତର୍ଗତ ସରସ୍ୱତୀପୁର ଗ୍ରାମପଞ୍ଚାୟତର ବାଲିପାଟଣା ଗ୍ରାମରେ ଖରାଟିଆ ଚିନାବାଦାମ ଚାଷ ଓ ରୋଗପୋକ ନିୟନ୍ତ୍ରଣ ଉପରେ ଏକ କୃଷକ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି। ଇଫ୍କୋ ଏବଂ ଓଏଫ୍ଏସ୍ଆଇଏଫ୍ଏସର ମିଳିତ ସହଯୋଗରେ ଅନୁଷ୍ଠିତ ଏହି ପ୍ରଶିକ୍ଷଣ ଶିବିରରେ ବନମାଳିପୁର, ଦକ୍ଷିଣସାହି, ବାଲିପାଟଣା, ପାଇକେନାସାହି ଓ ବାଲିପୋଖରୀ ସାହିର ପ୍ରାୟ ୫୦ଜଣ ଚିନାବାଦାମ ଚାଷୀ ଯୋଗ ଦେଇଥିଲେ । ପ୍ରାକ୍ତନ ଉପକୃଷି ନିର୍ଦ୍ଦେଶକ ତଥା ବରିଷ୍ଠ କୀଟତତ୍ତ୍ୱବିତ୍ ଡ଼ଃ ବିଜୟାନନ୍ଦ ମହାନ୍ତି ଅତିଥି ଭାବେ ଯୋଗ ଦେଇ ପାରମ୍ପରିକ ଚିନାବାଦାମ ଚାଷ ପଦ୍ଧତି ଓ ଉନ୍ନତମାନର ଚାଷ ପଦ୍ଧତି ସଂପର୍କରେ ଆଲୋକପାତ କରିଥିଲେ । ସେ କ୍ଷେତ୍ର ପରିଦର୍ଶନ କରିବା ଅବସରରେ ଫୁଲଘରା ପୋକ ଦମନର ବିଭିନ୍ନ ଉପାୟ ସଂପର୍କରେ ଚାଷୀମାନଙ୍କୁ ପରାମର୍ଶ ଦେଇଥିଲେ। ଚିନାବାଦାମ ଚାଷରେ ମୂଳସଢା ରୋଗର ନିରାକରଣ ପାଇଁ ସଫଳ ଉପାୟ ବିତାଇଥିଲେ। ଇଫ୍କୋ ସଂସ୍ଥାର କ୍ଷେତ୍ର ଅଧିକାରୀ ସୌମ୍ୟକାନ୍ତ ହାତୀ ଯୋଗଦେଇ ନାନୋ ୟୁରିଆ, ନାନୋ ଡିଏପି ଓ ସାଗରିକା ପ୍ରୟୋଗ କରି ମାଟି ଓ ବାୟୁର କ୍ଷତି ନଘଟାଇ ଉନ୍ନତମାନର ଚାଷ ପାଇଁ ପରାମର୍ଶ ଦେଇଥିଲେ। କାର୍ଯ୍ୟକ୍ରମକୁ ନୀଳମାଧବ ନନ୍ଦ ଓ କାଳନ୍ଦି ଚରଣ ସିଂହ ପରିଚାଳନା କରିଥିଲେ।
୧୮ ବର୍ଷ ପରେ.. ରାହୁ-କେତୁ ଚଳନ; ଏହି ରାଶିଙ୍କ ବଦଳାଇବେ ଭାଗ୍ୟ, ହଠାତ୍ ମିଳିବ ଧନ,ସଫଳତା..
