ଜାକର୍ତ୍ତା: ବିମାନ ଉଡାଣ ସମୟରେ ପାଇଲଟଙ୍କ ଖାମଖିଆଲ ଆଚରଣ ଅନେକ ସମୟରେ ନଜରକୁ ଆସୁଛି। ନିକଟରେ ଇଣ୍ଡୋନେସିଆର ସୁଲାୱେସିରୁ ଜାକର୍ତ୍ତା ଅଭିମୁଖେ ୧୫୩ଜଣ ଯାତ୍ରୀଙ୍କୁ ଧରି ଉଡାଣ କରୁଥିବା ବିମାନ ଉଚ୍ଚ ଆକାଶ ମାର୍ଗରେ ଥିବାବେଳେ ଏହାର ପାଇଲଟ୍ ଓ ସହ ପାଇଲଟ୍ ଶୋଇପଡିବା ଘଟଣା ନଜରକୁ ଆସିଛି। ନ୍ୟାସନାଲ ଟ୍ରାନ୍ସପୋର୍ଟେସନ୍ ସେଫ୍ଟି କମିଟିର ରିପୋର୍ଟ ଅନୁଯାୟୀ ଦୁଇ ପାଇଲଟ ୨୮ ମିନିଟ୍ ଶୋଇପଡିଥିଲେ। ଏହି ସମୟରେ ବିମାନ ସହ ଏୟାର ଟ୍ରାଫିକ୍ କେଣ୍ଟ୍ରାଲ ଯୋଗାଯୋଗ କରିଥିଲେ; କିନ୍ତୁ କକ୍ପିଟ୍ରୁ କିଛି ଉତ୍ତର ନମିଳିବାରୁ ନାଭିଗେସନ ସମ୍ପର୍କିତ ତ୍ରୁଟି ଦେଖାଯାଇଥିଲା। ୨୮ ମିନିଟ୍ ପରେ ପାଇଲଟ ଜଣଙ୍କ ପ୍ରଥମେ ଉଠିଥିଲେ। ସହଯୋଗୀ ପାଇଲଟ ଶୋଇଥିବା ଓ ବିମାନଟି ଭୁଲ୍ ରାସ୍ତାରେ ଯାଉଥିବା ସେ ଦେଖିଥିଲେ। ସେ ବିମାନଟି ଠିକ୍ ରାସ୍ତାକୁ ଆଣିଥିଲେ। ପାଲଲଟ ଦ୍ବୟ ଶୋଇଯିବା ନିଶ୍ଚିତ ରୂପେ ଶହଶହ ଯାତ୍ରୀଙ୍କ ଜୀବନକୁ ବିପନ୍ନ ମଧ୍ୟକୁ ଟାଣି ନେଇଥିଲା। ସୌଭାଗ୍ୟବଶତଃ ପାଇଲଟଙ୍କ ନିଦ ଭାଙ୍ଗି ଯିବାରୁ ସେ ବିମାନଟିକୁ ଧାର୍ଯ୍ୟ ଗନ୍ତବ୍ୟ ସ୍ଥଳରେ ସୁରକ୍ଷିତ ଅବତରଣ କରାଇଥିଲେ।
Popular Categories
Previous article
Next article