ଫୁଲବାଣୀ/ଫିରିଙ୍ଗିଆ: କନ୍ଧମାଳ ଜିଲ୍ଲାକୁ ରେଳ ପଥ ସଂଯୋଗକୁ ନେଇ ଶୁକ୍ରବାର ସକାଳ ୬ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ କନ୍ଧମାଳ ଜିଲ୍ଲା ବିକାଶ ପରିଷଦର ବନ୍ଦ ଡାକରାରେ ସାରା ଜିଲ୍ଲାରେ ପ୍ରଭାବ ଦେଖିବାକୁ ମିଳିଛି। ଫିରିଙ୍ଗିଆ ବ୍ଲକ ଛକ ଓ ଗୋଛାପଡା ଛକରେ ମଧ୍ୟ ଏହାର ସମ୍ପୂର୍ଣ୍ଣ ପ୍ରଭାବ ପଡ଼ିଛି। ଫିରିଙ୍ଗିଆ ବ୍ଲକ ଛକରେ କନ୍ଧମାଳ ବିକାଶ ପରିଷଦର ସଦସ୍ୟମାନେ ସକାଳ ୬ଟାରୁ ଉପସ୍ଥିତ ରହି ରାସ୍ତା ଅବରୋଧ କରିବା ସହ ରାସ୍ତାରେ ବ୍ୟାନର ଟାଙ୍ଗୀ ପ୍ରତିବାଦ କରିଥିଲେ। ଯାହାକୁ ନେଇ ଉଭୟ ପଟେ ବହୁ ଗାଡ଼ି ଅଟକି ରହିବା ସହ ସମ୍ପୂର୍ଣ୍ଣ ରାସ୍ତା ବନ୍ଦ ରହିଥିଲା। କେବଳ ଜରୁରୀ ସେବା ଆମ୍ବୁଲାନ୍ସ, କ୍ଷୀର ଗାଡି ଭଳି କିଛି ଯାନ ଛାଡିଥିବା ବେଳେ ଫିରିଙ୍ଗିଆ ବଜାରର ଦୋକାନ ବଜାର ହୋଟେଲ ଏମିତି କି କିଛି ବିଦ୍ୟାଳୟ ମଧ୍ୟ ବନ୍ଦ ରହିଥିଲା। ତେବେ ଏହି ବନ୍ଦର ପ୍ରଭାବ ସରକାରୀ କାର୍ଯ୍ୟାଳୟରେ ମଧ୍ୟ ସମ୍ପୂର୍ଣ୍ଣ ପ୍ରଭାବ ପଡ଼ିଥିବା ବେଳେ ଫିରିଙ୍ଗିଆରେ କନ୍ଧମାଳ ବିକାଶ ପରିଷଦର ସମ୍ପାଦକ ରଘୁପତି କହଁର, ଅକ୍ଷୟ କଟା, ଶମ୍ଭୁ ଦିଗାଲ, ଦିଲୀପ ମଲିକ, ଗୋଲକ ପ୍ରଧାନ, ପ୍ରଶାନ୍ତ କହଁର, ସୁଶୀଳ କହଁରଙ୍କ ସହ ଅନ୍ୟମାନେ ଉପସ୍ଥିତ ରହି ବନ୍ଦ ସଫଳ କରିଥିଲେ। ଅନ୍ୟପଟେ ଫିରିଙ୍ଗିଆ ଥାନା ଅଧିକାରୀ ରମେଶ କୁମାର ପ୍ରଧାନ ସୁରକ୍ଷା ଓ ଅପ୍ରୀତିକର ପରିସ୍ଥିତି ନ ହେବା ପାଇଁ ବ୍ଲକ ଛକ ସହ ବିଭିନ୍ନ ଛକମାନଙ୍କରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରି ପୁଲିସ ଓ ଯବାନଙ୍କୁ ନିୟୋଜିତ କରିଥିଲେ।
Popular Categories
Previous article
Next article