ଫୁଲବାଣୀ:କନ୍ଧମାଳ ଜିଲା ବିଜୁ ଯୁବ, ଛାତ୍ର ଓ ମହିଳା ଜନତା ଦଳ ତରଫରୁ ଆଜି ଓଡିଶା ମୋ ପରିବାର ଆନୁକୂଲ୍ୟରେ ରକ୍ତଦାନ ଶିବିର ଗୁମାଗଡ଼ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମରେ ସାଂସଦ ଅଚ୍ୟୁତ ସାମନ୍ତ ମୁଖ୍ୟଅତିଥି ଭାବେ ଯୋଗ ଦେଇ ଉଦଘାଟନ କରିଥିଲେ। ସମ୍ମାନିତ ଅଥିତି ଭାବେ ବିଧାୟକ ଅଙ୍ଗଦ କହଁର, କନ୍ଧମାଳ ଜିଲା ପର୍ଯ୍ୟବେକ୍ଷକ ବିଜୟ ନାୟକ, ଓଡିଶା ମୋ ପରିବାର ଜୀବନ ବିନ୍ଦୁ ସଂଯୋଜକ ଦେବେନ୍ଦ୍ର କୁମାର ସାମଲ, ଫୁଲବାଣୀ ବ୍ଲକ ଅଧ୍ୟକ୍ଷ ସସ୍ମିତା କହଁର, ଯୁବ ସଭାପତି ବିଷ୍ଣୁ ଚରଣ ମଲ୍ଲିକ, ମହିଳା ସଭାପତି ପୁନମ କହଁର, ଫୁଲବାଣୀ ବ୍ଲକ ସାଂସଦ ପ୍ରତିନିଧି ମାନସ ରଞ୍ଜନ ବିଶ୍ୱାଳ, ବିଧାୟକ ପ୍ରତିନିଧି ନିଲାମ୍ବର କହଁର, ବ୍ଲକ ସଭାପତି ବାଳକୃଷ୍ଣ ସାହୁ ପ୍ରମୁଖ ରକ୍ତଦାତା ଙ୍କୁ ଉତ୍ସାହିତ କରିଥିଲେ। ଏହି ରକ୍ତଦାନ ଶିବିରରେ ୩୧ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା। ଫୁଲବାଣୀ ରକ୍ତ ଭଣ୍ଡାରର କର୍ମଚାରୀମାନେ ରକ୍ତ ସଂଗ୍ରହରେ ସହଯୋଗ କରିଥିଲେ। କାର୍ଯ୍ୟକ୍ରମ ପରିଚାଳନାରେ ବ୍ଲକ ଯୁବ ସଭାପତି ବଳଦେବ କହଁର, ବ୍ଲକ ଛାତ୍ର ସଭାପତି ସୁରଜୀତ ମଲ୍ଲିକ, ସରପଞ୍ଚ ପ୍ରତାପ କହଁର, ଜିଲା ଉପ ସଭାପତି ପ୍ରବୀନ ବେହେରା, ବାବୁଲା ବେହେରା, ଜଳନ୍ଧର ବେହେରା ସମେତ ବହୁ ଛାତ୍ର ଛାତ୍ରୀ ସହଯୋଗ କରିଥିଲେ।
Comments are closed.