ଫୁଲବାଣୀ/ବାଲିଗୁଡା: ଗୋଟିଏ ପଟେ ବନ ବିଭାଗ ଜଙ୍ଗଲ ନିଆଁକୁ ନେଇ ତତ୍ପର ହୋଇ ଉଠିଥିବା ବେଳେ କଡ଼ା ସୁରକ୍ଷା ମଧ୍ୟରେ ବର୍ତ୍ତମାନ ଜଙ୍ଗଲ ଥିବା କୁହାଯାଇଥିଲେ ମଧ୍ୟ ଲକ୍ଷ ଲକ୍ଷ ଟଙ୍କାର ବହୁ ମୂଲ୍ୟବାନ କାଠ ପଡ଼ିଛି ଏକ ବେଆଇନ ଇଟାଭାଟିରେ। ଏଭଳି ଏକ ଦୃଶ୍ୟ ଦେଖାଯାଇଛି କନ୍ଧମାଳ ଜିଲା ବାଲିଗୁଡ଼ା ବ୍ଳକରେ। କନ୍ଧମାଳ ଜିଲା ବାଲିଗୁଡା ବ୍ଲକ ମୁସକୁଲୀ ଗ୍ରାମରେ ଗଢି ଉଠିଛି ବେଆଇନ ଇଟାଭାଟି। ବନ ବିଭାଗ ଜଙ୍ଗଲକୁ ସୁରକ୍ଷା କରିବା ନିମନ୍ତେ ଏମଜିଏନଆର ଜିଏ ଯୋଜନାରେ ରାଜ କୋଶରୁ କୋଟି କୋଟି ଟଙ୍କା ଖର୍ଚ୍ଚ କରୁଥିବାବେଳେ କିଛି ବନ କର୍ମଚାରୀ ଭାଟି ମାଫିଆଙ୍କ କବଜାରେ ରହି ମାଫିଆଙ୍କ ହାତ ବାରିସୀ ପାଲଟିଛନ୍ତି।
ଫଳରେ ଦିନ ଦିପହରେ ଭାଟି ମାଫିୟା ଜଙ୍ଗଲରୁ ଶାଳ ଶାଗୁଆନ ଭଳି ବିରାଟ ବଡ଼ ଗଛ ଗୁଡ଼ିକୁ କାଟି ଇଟା ଭାଟିରେ ପୋଡି ଇଟାଗୁଡିକୁ ବଜାରରେ ବିକ୍ରି କରି ଲକ୍ଷ ଲକ୍ଷ ରୋଜଗାର କରି ମାଲା ମାଲ ହେଉଛନ୍ତି। ଏହା ସହ ଭାଟି ମାଫିଆ ସରକାରୀ ଜମିରୁ ମାଟି ବେଆଇନ ଭାବେ ବାହାର କରି ଇଟା ନିର୍ମାଣ କରୁଛି। ଜମି ଦାୟିତ୍ୱରେ ଥିବା ତହସିଲ କିଭଳି ମାଟି ଚୋରା ଚାଲାଣ ସମ୍ପର୍କରେ ଜାଣି ପାରୁନାହିଁ ତାହା ପ୍ରଶ୍ନ ବାଚୀ ସୃଷ୍ଟି କରୁଛି।
Comments are closed.