ଫୁଲବାଣୀ: କନ୍ଧମାଳ ଜିଲା ଗୋଛାପଡ଼ା ପୁଲିସକୁ ସଫଳତା ମିଳିଛି । ଗତ କିଛି ଦିନ ମଧ୍ୟରେ ପୁଲିସ କିଛି ଅଞ୍ଚଳରେ ବାରମ୍ବାର ଚଢ଼ାଉ କରିବା ସହ ଗଞ୍ଜେଇ ଜବତ କରୁଛି । ପୁଲିସ ପାଟ୍ରୋଲିଂ କରିବା ସମୟରେ ମୁସେଲି ପାଙ୍ଗା ବ୍ରିଜ ନିକଟରେ ଏକ ବୁଲେଟରୁ ୨୧କେଜି ଗଞ୍ଜେଇ ଜବତ କରିଛି ।ତାହାସହ ଜଣକୁ ଗିରଫ କରିବାରେ ସଫଳ ହୋଇଛି ପୁଲିସ । ଗିରଫ ବ୍ୟକ୍ତି ଜଣକ କଟକ ଜିଲ୍ଲା ନେମାଳ ଥାନା ମାଳି ଗାଁର ଯଶୋବନ୍ତ ବେହେରା (୩୪) ବୋଲି ଜଣାପଡ଼ିଛି । ତେବେ ଗୋଛାପଡ଼ା ଥାନାରେ ଗଞ୍ଜେଇ ଚାଲାଣ ସଂକ୍ରାନ୍ତରେ ୧୨୮/୨୦୨୨ରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଥିବା ବେଳେ, ଅଧିକ ତଦନ୍ତ ଚାଲୁ ରହିଥିବା ଗୋଛା ପଡ଼ା ଥାନା ଅଧିକାରୀ ରଂଜିତ କୁମାର ମୁନି ସୂଚନା ଦେଇଛନ୍ତି ।
Comments are closed.