ପାତ୍ରପୁର: ପାତ୍ରପୁର ପଞ୍ଚାୟତ ବମକେଇ ଗ୍ରାମ ନିକଟ ଜମିରେ ବଜ୍ରପାତ ଘଟି ୪ ମହିଳା ଶ୍ରମିକ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୩ଜଣ ଗୁରୁତର ଥିବା ଜଣାପଡ଼ିଛି। ପାତ୍ରପୁର ଗ୍ରାମର ତମାଳ ବେହେରା, ସୁମିତ୍ରା ବେହେରା, ଶଶୀ ବେହେରା, ଜୟନ୍ତୀ ସେଠୀ ଏହି ବଜ୍ରପାତରେ ଆହତ ହୋଇଥିବା ଜଣାପଡ଼ିଛି। ଆହତମାନଙ୍କ ମଧ୍ୟରୁ ତମାଳ ବେହେରା, ଶଶୀ ବେହେରା ଏବଂ ସୁମିତ୍ରା ବେହେରାଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ ବ୍ରହ୍ମପୁର ଚିକିତ୍ସାପାଇଁ ସ୍ଥାନାନ୍ତରିତ କରାଯାଇଛି। ଶନିବାର ପାତ୍ରପୁର ଗ୍ରାମର କିଛି ମହିଳା ନିକଟ ବମକେଇ ଗ୍ରାମର ଜଣେ ବ୍ୟକ୍ତିଙ୍କ ଜମିକୁ ଧାନ ରୋଇବା ପାଇଁ ଯାଇଥିଲେ। ଶ୍ରମିକମାନେ କାଳିଆ ବେଢା ପୋଖରୀ ନିକଟ ଜମିରେ ପାଖରେ ଖାଉଥିବା ବେଳେ ହଠାତ ବଜ୍ରପାତରେ ହୋଇଥିଲା। ଫଳରେ ଏହି ଚାରିଜଣ ଶ୍ରମିକ ଅସୁସ୍ଥତା ଅନୁଭବ କରିବା ସହ ବିଲରେ ପଡ଼ିଯାଇ ଥିଲେ। ତୁରନ୍ତ ସେହି ମାନଙ୍କୁ ଚିକିତ୍ସାପାଇଁ ପାତ୍ରପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନିଆଯାଇଥିଲା। ତେବେ ପ୍ରାଥମିକ ଚିକିତ୍ସା ପରେ ୩ ଜଣଙ୍କୁ ଅଧିକ ଚିକିତ୍ସାପାଇଁ ୧୦୮ ଯୋଗେ ବ୍ରହ୍ମପୁର ସ୍ଥାନାନ୍ତରିତ କରାଯାଇଛି।
Comments are closed.