ପାଟଣା: ତିନିଦିନ ହେଲା ପାଟଣା ବ୍ଲକ ଅଞ୍ଚଳକୁ ଫେରିଛନ୍ତି ୨୨ ଘରିଆ ହାତୀପଲ। ବୈତରଣୀ ପାର ହୋଇ ବେଗୁନାଖମଣ , କୋଠାଘର, ଡୁମୁରିଆ , ତଣ୍ଡୋ ହୋଇ ଏରେଣ୍ଡେଇ ନିକଟ ବୈତରଣୀ ନଦୀ କୂଳ ଜଙ୍ଗଲରେ ଏହି ହାତୀପଲ ଡେରା ପକାଇ ଥିବାରୁ ଆଖପାଖ ଗ୍ରାମର ଲୋକମାନେ ଭୟଭୀତ ଅବସ୍ଥାରେ ଅଛନ୍ତି। ଏହି ସବୁ ଗ୍ରାମର ଜଙ୍ଗଲ ନିକଟରେ ଥିବା ଚାଷ ଜମିରେ ବ୍ୟାପକ କ୍ଷୟ କ୍ଷତି କରିଥିବା ଦେଖିବାକୁ ମିଳିଛି। ଏହି ହାତୀପଲ ରେଙ୍ଗାଳବେଡା ଠାରେ ଡେରା ପକାଇ ଥିବା ବେଳେହାତୀ ଦେଖଣାହାରୀଙ୍କର ୨ଟି ମଟରସାଇକେଲ ଦନ୍ତା ହାତୀ ଭାଙ୍ଗି ଥିବା ବେଳେ ହାତୀ ଆକ୍ରମଣରେ ଜଣେ ବ୍ୟକ୍ତିଙ୍କର ମଧ୍ୟ ମୃତ୍ୟୁ ଘଟିଥିଲା। ଏବେ ଏରେଣ୍ଡେଇ ଆଖାପାଖ ଲୋକମାନେ ଭୟଭୀତ ଅବସ୍ଥାରେ ଅଛନ୍ତି। ଯଥାଶୀଘ୍ର ହାତୀ ମାନଙ୍କୁ ଘଉଡାଇବା ପାଇଁ ସ୍ଥାନୀୟ ଲୋକେ ବନବିଭାଗ ନିକଟରେ ଦାବି କରିଛନ୍ତି।
Comments are closed.