ପାଟଣା : କେନ୍ଦୁଝର ଜିଲ୍ଲା ପାଟଣା ବ୍ଲକର ବିଭିନ୍ନ ଗ୍ରାମରେ ଆଜି ପାଟଣା ଓ ଘଟଗାଁ ଅବକାରୀ ବିଭାଗ ପକ୍ଷରୁ ଚଢାଉ କରାଯିବା ସମୟରେ ମୋଟ ୧୨୭ ଲିଟର ଚୋରା ମହୁଲି ମଦ ଜବତ କରିବା ସହ ୪ଶହ କେଜି ମହୁଲ ପୋଚ ନଷ୍ଟ କରିଛି ଅବକାରୀ ବିଭାଗ।ପାଟଣା ବ୍ଲକ ଖିରେଇଟାଙ୍ଗିରୀ ଗ୍ରାମର ଶକୁନ୍ତଳା ମୁଣ୍ଡାଙ୍କ ଠାରୁ ୨୦ ଲିଟର ମହୁଲି ମଦ, ଦାଶରଥିପୁର ଗ୍ରାମର କାଜଲ ମାଝୀଙ୍କ ଠାରୁ ୨୫ ଲିଟର ମହୁଲି ମଦ, ଟୁନା ମୁଣ୍ଡାଙ୍କ ଠାରୁ ୨୨ ଲିଟର , ବାବୁରାମ ମାଝୀଙ୍କ ଠାରୁ ୩୦ ଲିଟର ଏବଂ ରୀତା ହେମ୍ବ୍ରମଙ୍କ ଠାରୁ ୩୦ ଲିଟର ମହୁଲି ମଦ ଜବଦ କରିବା ସହ ଅବକାରୀ ବିଭାଗ ସମସ୍ତ ୫ଜଣ ଚୋରା ମଦ ବିକ୍ରେତାଙ୍କୁ ଗିରଫ କରିଛି। ସେହିପରି ଦାଶରଥୀପୁରରେ ମଦ ପ୍ରସ୍ତୁତ ପାଇଁ ରଖାଯାଇଥିବା ୪ଶହ କେଜି ମହୁଲ ପୋଚକୁ ମଧ୍ୟ ଅବକାରୀ ବିଭାଗ ନଷ୍ଟ କରିଛି । ଅବକାରୀ ବିଭାଗ ପକ୍ଷରୁ ମୋଟ ୬ଟି ଅବକାରୀ ମାମଲା ରୁଜୁ କରାଯାଇଛି। ପାଟଣା ଅବକାରୀ ଥାନା ଅଧିକାରୀ ଦିଲ୍ଲୀପ କୁମାର ତାଣ୍ଡି ଓ ଘଟଗାଁ ଅବକାରୀ ଥାନା ଅଧିକାରୀ ଜଗନ୍ନାଥ ମିଶ୍ରଙ୍କ ନେତୃତ୍ବରେ ଏହି ଚଢାଉ ହୋଇଥିଲା ।
Comments are closed.