ପାଟଣା: କେନ୍ଦୁଝର ଜିଲ୍ଲା ପାଟଣା ରେଞ୍ଜରେ ପୁଣି କିଛି ଦିନର ବ୍ୟବଧାନ ପରେ ଆଜି ୨୪ ଟିକିଆ ହାତୀପଲ ପ୍ରବେଶ କରିଛନ୍ତି । ଏହି ହାତୀପଲ ଶୁକ୍ରବାର ସଂଧ୍ୟାରେ ସାହାରପଡା ଫରେଷ୍ଟ ସେକ୍ସନ ଅନ୍ତର୍ଗତ କୁଦାବେଡା ଗ୍ରାମ ନିକଟରେ ଥିବା ବେଳେ ଆଜି ଏହି ହାତୀପଲ ପୁରୁଣାପାଣି ସଂରକ୍ଷିତ ଜଙ୍ଗଲରେ ଡେରା ପକାଇଛନ୍ତି । ଏହି ହାତୀପଲ ବିଳମ୍ବିତ ରାତିରେ ବନବିର, ଡାଳପକା, ଖଡିବେଡା ଓ କୁଦାବେଡା ଗ୍ରାମର ବିଭିନ୍ନ ଚାଷଜମି ପଶି ଧାନ ଫସଲ ନଷ୍ଟ କରିଛନ୍ତି । ଧାନ ଆମଳ ସମୟରେ ହାତୀପଲ ପାଚିଲା ଧାନ ଖାଇବା ସହ ମାଡିଦଳି ନଷ୍ଟ କରିଦେଉଥିବାରୁ ଚାଷୀଙ୍କ ମଧ୍ୟରେ ଭାଳେଣୀ ପଡ଼ିଯାଇଛି । ତେବେ ଗାଁ ନିକଟରେ ହାତୀପଲ ବୁଲୁଥିବାରୁ ଆଖପାଖ ଅଞ୍ଚଳରେ ଲୋକେ ଆତଙ୍କିତ ହୋଇଛନ୍ତି । ଅନ୍ୟ ପକ୍ଷରେ ବନ ବିଭାଗ ଏହି ହାତୀପଲ ଉପରେ ନଜର ରଖିଥିବା ସାହାରପଡା ବନପାଳ ଭୂପତି ସେଠୀ ସୂଚନା ଦେଇଛନ୍ତି।
Popular Categories
Previous article
Next article