ପାଟଣା: କେନ୍ଦୁଝର ଜିଲ୍ଲା ପାଟଣା ବ୍ଲକ ଅନ୍ତର୍ଗତ ଖିରେଇ ଟାଙ୍ଗିରି ମୁଖ୍ୟାଳୟ ଠାରୁ ନୂଆଗାଁକୁ ଯାଇଥିବା ରାସ୍ତା ଏବେ ମରଣଯନ୍ତା ପାଲଟିଛି । ବର୍ତ୍ତମାନ ବର୍ଷା ହେଉନଥିଲେ ମଧ୍ୟ ରାସ୍ତା ଉପରେ ଜମି ରହିଛି ପାଣି । ଚାଷ ଜମିକୁ ପାଣି ନେବାପାଇଁ ସୁବିଧା ନଥିବାରୁ ଚାଷୀ ଭାଇମାନେ ରାସ୍ତା ଉପର ଦେଇ ଚାଷ ଜମିକୁ ପାଣି ନେଉଛନ୍ତି । ଜମିକୁ ପାଣି ନେବାପାଇଁ ଅନ୍ୟତ୍ର ସୁବିଧା ଥିଲେ ମଧ୍ୟ ଜନୈକ ଚାଷୀ ଏକ ଆକ୍ରୋଶ ମୂଳକ କାର୍ଯ୍ୟ ଭାବେ ରାସ୍ତା ଉପ ଦେଇ ଜମିକୁ ପାଣି ନେଉଥିବା ପରି ଏକ ନିନ୍ଦନୀୟ କାର୍ଯ୍ୟ କରୁଥିବା ଦେଖିବାକୁ ମିଳିଛି । ରାସ୍ତାରେ ଏମିତି ଅନବରତ ପାଣି ଯାଉଥିବାରୁ ପଥଚାରୀ ମାନେ ଘୋର ଅସୁବିଧାର ସମ୍ମୁଖୀନ ହେବା ସଙ୍ଗେ ସଙ୍ଗେ ସ୍କୁଲ ଛାତ୍ରଛାତ୍ରୀ ମାନେ ନାହିଁ ନଥିବା ଅସୁବିଧା ଭୋଗୁଛନ୍ତି । ଏହା ଏକ ମୁଖ୍ୟ ରାସ୍ତା ହୋଇଥିବାରୁ ପ୍ରଶାସନର ଦୃଷ୍ଟିରେ ଥିଲେ ମଧ୍ୟ ପ୍ରଶାସନ ଚିରନିଦ୍ରାରେ ଶୋଇବା ଏକ ଲଜ୍ୟାଜନକ ଘଟଣା । ଏହି ମୁଖ୍ୟ ରାସ୍ତାକୁ ଦୃଷ୍ଟିରେ ରଖି ଯଥାଶୀଘ୍ର ସମସ୍ୟାର ସମାଧାନ କରିବା ପାଇଁ ଜନ ସାଧାରଣ ପ୍ରଶାସନ ପାଖରେ ଅଭିଯୋଗ କରିଛନ୍ତି ।
Comments are closed.