ପାଟଣା : ସାହିକୁ ରାସ୍ତା ନଥିବାରୁ ଯାଇ ପାରିଲାନି ଆମ୍ବୁଲାନ୍ସ । ଷ୍ଟେଚରରେ ବୁହା ହୋଇ ଗଲେ ମେଡିକାଲ । ବିଳମ୍ବ ଯୋଗୁଁ ଜୀବନ ହାରିଲେ ବୃଦ୍ଧ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ସାହାରପଡା ବ୍ଲକ ସିଲିପଦା ଗ୍ରାମର ହରିଜନ ସାହିରେ। ସାହିକୁ ଭଲ ରାସ୍ତା ନଥିବାରୁ ସାହି ଭିତରକୁ ଆମ୍ବୁଲାନ୍ସ ଯାଇ ପାରି ନଥିଲା ଫଳରେ ଷ୍ଟ୍ରେଚରରେ ବୁହା ହୋଇଥିଲେ ରୋଗୀ। କିନ୍ତୁ ମେଡିକାଲରେ ପହଂଚିବାରେ ବିଳମ୍ବ ଯୋଗୁ ମେଡିକାଲରେ ତାଙ୍କର ମୃତ୍ୟୁ ହୋଇଛି । ମୃତକ ହେଲେ ସାହିର ବୈରାଗୀ ପାତ୍ର । ସୂଚନା ଅନୁଯାୟୀ ଗତକାଲି ରାତିରେ ଯନ୍ତ୍ରଣା ଛୋଟପଟ ହେବାରୁ ୧୦୮ ଆମ୍ବୁଲାନ୍ସ କୁ ଫୋନ କରିଥିଲେ । ତେବେ ୧୦୮ ଆମ୍ବୁଲାନ୍ସ ଆସିଥିଲେ ମଧ୍ୟ ରାସ୍ତା ଖରାପ ଯୋଗୁ ସାହି ଭିତରକୁ ଯାଇ ପାରିନଥିଲା । ବାପା ଙ୍କ ଯନ୍ତ୍ରଣା ଦେଖି ଭିନ୍ନକ୍ଷମ ପୁଅ ସୁନିଲ ଚିତ୍କାର କରିବା ରୁ ସାହିର କିଛି ଯୁବକ ଓ ଆମ୍ବୁଲାନ୍ସ କର୍ମଚାରୀ ବୈରାଗୀଙ୍କୁ ଷ୍ଟେଚର ସାହାଯ୍ୟ ରେ ୫୦୦ ମିଟର ବୋହି ଆଣି ୧୦୮ ରେ ମେଡିକାଲ କୁ ପଠାଇ ଥିଲେ ହେଁ ମେଡିକାଲରେ ବୃଦ୍ଧ ବୈରାଗୀଙ୍କର ମୃତ୍ୟୁ ଘଟିଛି।
Popular Categories
Previous article
Next article