ପାଟଣା : ପ୍ରତି ଦଶ ବର୍ଷରେ ହେଉଥିବା ସଦ୍ୟତମ ଜନଗଣନାରେ ଏସ.ଟି,ଏସ.ସି ବର୍ଗଙ୍କ ଭଳି ପଛୁଆ ବର୍ଗ ଏବଂ ଆର୍ଥିକ ଦୁର୍ବଳ ଶ୍ରେଣୀ ଲୋକଙ୍କ ଗଣନା କରାଗଲେ ସାମାଜିକ, ଅର୍ଥନୈତିକ ଏବଂ ଜାତିଭିତ୍ତିକର ବାସ୍ତବିକ ପରିସଂଖ୍ୟାନ ସର୍ବସମ୍ମୁଖକୁ ଆସିପାରନ୍ତା । ଏହା ସାମାଜିକ, ଅର୍ଥନୈତିକ ପଛୁଆ ଅବହେଳିତ ବର୍ଗଙ୍କର ବାସ୍ତବିକ ତଥ୍ୟ ସରକାର ଜାଣିପାରନ୍ତେ ଏବଂ ଏମାନଙ୍କର ବିକାଶ ପାଇଁ ଦୀର୍ଘମିଆଦି ଯୋଜନା ପ୍ରସ୍ତୁତ କରିବାରେ ଏହା ସହାୟକ ହୋଇପାରନ୍ତା। ସ୍ୱାଧୀନତା ପରେ ପ୍ରଥମଥର ପାଇଁ ୨୦୧୧ ଜନଗଣନାରେ କେନ୍ଦ୍ରର କଂଗ୍ରେସ ସରକାର ଡିଜିଟାଲ ମାଧ୍ୟମରେ ରେ ସାମାଜିକ, ଅର୍ଥନୈତିକ ଓ ଜାତିଭିତ୍ତିକ ଜନଗଣନା କରିଥିଲେ ।
ଏହି ଜନଗଣନାରେ ଜାତିଭିତ୍ତିକ ଜନଗଣନା ନକରିବା ପାଇଁ କେନ୍ଦ୍ର ସରକାର ନିଷ୍ପତ୍ତି ଗ୍ରହଣ କରିଛନ୍ତି। ଏହାକୁ ପୁନଃ ବିଚାର କରିବା ପାଇଁ ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ ଏବଂ ଜନଗଣନା କାର୍ୟ୍ୟାଳୟକୁ ଟ୍ୱିଟ ମାଧ୍ୟମ ରେ ଦାବି କରିଛନ୍ତି ପାଟଣା ନିର୍ବାଚନ ମଣ୍ଡଳୀ ର ପୂର୍ବତନ କଂଗ୍ରେସ ବିଧାୟକ ପ୍ରାର୍ଥୀ ତଥା ଓଡ଼ିଶା ପ୍ରଦେଶ କଂଗ୍ରେସ ସାମାଜିକ ଗଣମାଧ୍ୟମର ସାଧାରଣ ସମ୍ପାଦକ ଇଂ ବିନୋଦ ବିହାରୀ ନାଏକ। ଗଣମାଧ୍ୟମକୁ ପ୍ରତିକ୍ରିୟା ଦେଇ ପ୍ରକାଶ କରିଛନ୍ତି ଯେ କେନ୍ଦ୍ର ସରକାର ରାଜି ନହେଲେ ରାଜ୍ୟ ସରକାର ନିଜସ୍ୱ ସମ୍ବଳରେ ଜାତିଭିତ୍ତିକ ଗଣନା କରାଇ ସାମାଜିକ, ଅର୍ଥନୈତିକ ଅବହେଳିତ ଜାତି ମାନଙ୍କର ଚିହ୍ନଟ କରନ୍ତୁ ଏବଂ ଏମାନଙ୍କର ବିକାଶ ପାଇଁ ଦୃଢ଼ ତତ୍ପର ହୁଅନ୍ତୁ।
ଜାତି ଭିତ୍ତିକ ଜନଗଣନା କରାଯିବାକୁ କଂଗ୍ରେସ ନେତାଙ୍କ ଦାବି
Popular Categories
Previous article
Next article