ଡେସ୍କ: ଜାନୁଆରୀ ୨୯ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସପ୍ତମ ପରୀକ୍ଷା ପେ ଚର୍ଚ୍ଚା କାର୍ଯ୍ୟକ୍ରମ ପାଇଁ ୨ କୋଟି ୨୬ ଲକ୍ଷରୁ ଅଧିକ ଛାତ୍ରଛାତ୍ରୀ ପଞ୍ଜିକରଣ କରିଛନ୍ତି, ଯାହାକି ଏକ ରେକର୍ଡ। ଗତ ମାସ ଡିସେମ୍ବର ୧୨ରୁ ଚଳିତ ବର୍ଷ ଜାନୁୟାରୀ ୧୨ ପର୍ଯ୍ୟନ୍ତ ଏହି କାର୍ଯ୍ୟକ୍ରମରେ ଭାଗ ନେବାକୁ ଶିକ୍ଷା ମନ୍ତ୍ରଣାଳୟ ଷଷ୍ଠରୁ ଦ୍ୱାଦଶ ଶ୍ରେଣୀର ଛାତ୍ରଙ୍କ ଠାରୁ ମାଇଁ ଗଭ ପୋର୍ଟାଲରେ ଅନଲାଇନ୍ ଆବେଦନ ଆମନ୍ତ୍ରଣ କରିଥିଲା। ମନ୍ତ୍ରଣାଳୟ କହିଛି ଯେ ମାଇଁ ଗଭ ପୋର୍ଟାଲରେ ପ୍ରାପ୍ତ ପ୍ରଶ୍ନ ଆଧାରରେ ଦୁଇ ହଜାର ପଚାଶ ଜଣ ଅଂଶଗ୍ରହଣକାରୀଙ୍କୁ ଚୟନ କରାଯିବ। ଏହି ଅଂଶଗ୍ରହଣକାରୀମାନଙ୍କୁ ଏକ ସ୍ୱତନ୍ତ୍ର କିଟ୍ ଯୋଗାଇ ଦିଆଯିବ। ଏହି କିଟରେ ପ୍ରଧାନମନ୍ତ୍ରୀଙ୍କ ପୁସ୍ତକ – ପରୀକ୍ଷା ୱାରିୟର୍ସର ହିନ୍ଦୀ ଏବଂ ଇଂରାଜୀ ସଂସ୍କରଣ ସହିତ ଏକ ପ୍ରମାଣପତ୍ର ଦିଆଯିବ।
ରାମଲାଲାଙ୍କ ପ୍ରାଣ ପ୍ରତିଷ୍ଠା ଦିବସ-ଲାଗିବ ସର୍ବବୃହତ୍ ଭାସମାନ ପରଦା
ଚଳିତ ବର୍ଷ ଚାରି ହଜାରରୁ ଅଧିକ ଛାତ୍ରଛାତ୍ରୀ ପ୍ରଧାନମନ୍ତ୍ରୀଙ୍କ ସହ ଆଲୋଚନା କରିବେ। ଏହି କାର୍ଯ୍ୟକ୍ରମ ଦିଲ୍ଲୀର ଭାରତ ମଣ୍ଡପମରେ ଅନୁଷ୍ଠିତ ହେବ। ପରୀକ୍ଷା ପେ ଚର୍ଚ୍ଚା କାର୍ଯ୍ୟକ୍ରମରେ ଶ୍ରୀ ମୋଦୀ ଭାରତ ତଥା ବିଦେଶର ଛାତ୍ର, ଅଭିଭାବକ ଏବଂ ଶିକ୍ଷକମାନଙ୍କ ସହ ବିଦ୍ୟାଳୟ ପରେ ପରୀକ୍ଷା ଚାପରୁ ମୁକ୍ତି ଏବଂ ଜୀବନ ବିଷୟରେ ଆଲୋଚନା କରିଥାନ୍ତି। ଛାତ୍ରଛାତ୍ରୀମାନଙ୍କ ପାଇଁ ଚାପମୁକ୍ତ ପରିବେଶ ସୃଷ୍ଟି କରିବା ଲକ୍ଷ୍ୟରେ ଏହି କାର୍ଯ୍ୟକ୍ରମ ଆୟୋଜିତ ହେଉଛି।
