ନୟାଗଡ଼ : ବହୁ ଚର୍ଚ୍ଚିତ ପରୀ ହତ୍ୟା ମାମଲାରେ ତଦନ୍ତ ଭାର ରାଜ୍ୟ ସରକାର ଏସ୍ଆଇଟିକୁ ଦେଇଛନ୍ତି। ଏସ୍ଆଇଟି ପକ୍ଷରୁ ଗ୍ରାମର ବିଭିନ୍ନ ବ୍ୟକ୍ତିଙ୍କୁ ପଚରାଉଚରା ଜାରି ରହିଛି। ଇତିମଧ୍ୟରେ ଏସ୍ଆଇଟି ମୁଖ୍ୟ ଅରୁଣ ବୋଥ୍ରା ଏହି ହତ୍ୟାକାଣ୍ଡର ରହସ୍ୟ ଉନ୍ମୋଚନ ପାଇଁ ଦେଇଥିବା ଦୁଇ ସପ୍ତାହର ମହଲତ ଶେଷ ହୋଇଛି। ଫଳରେ ଏସଆଇଟି ତଦନ୍ତର ଅଗ୍ରଗତି ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି।
ବିଭିନ୍ନ ସମୟରେ ଏସ୍ଆଇଟି ତଦନ୍ତକୁ ନେଇ ନାନା ବିବାଦୀୟ କଥା ଉଠୁଛି। କିଛି ଦିନ ତଳେ ଏସଆଇଟି ମୁଖ୍ୟ ଅରୁଣ ବୋଥ୍ରାଙ୍କ ଭିଡିଓର ଭାଇରାଲ ହୋଇଥିଲା। ଯେଉଁଥିରେ ସେ କାହାକୁ ଧମକ ଦେଉଥିବା ଶୁଣିବାକୁ ମିଳିଥିଲା। ତେବେ ଭିଡିଓ ସତ୍ୟତା ଏବେବି ସନ୍ଦେହ ଘେରରେ।
ଅନ୍ୟପକ୍ଷରେ ପରୀ ପଡ଼ିଶା ଘରର ଜଣେ +୩ ଛାତ୍ର ଏସ୍ଆଇଟି ବିରୋଧରେ ଅଭିଯୋଗ ଆଣିଥିଲେ। ତାଙ୍କୁ ୫ ଲକ୍ଷ ଟଙ୍କା ନେଇ ଦୋଷ ସ୍ବୀକାର କରିବାକୁ ପୁଲିସ ଚାପ ପକାଉଥିବା ଛାତ୍ର ଜଣକ କହିଥିଲେକହିଥିଲେ। ଏସ୍ଆଇଟି ମୁଖ୍ୟଙ୍କର ତଦନ୍ତ କରିବାର ଅଧିକାର ନାହିଁ ବୋଲି ବିଜେପି ଓ କଂଗ୍ରେସ ମଧ୍ୟ ପ୍ରଶ୍ନ ଉଠାଇଥିଲେ। ଏ ସବୁ ଭିତରେ ବିବାଦୀୟ ହୋଇପଡ଼ିଥିବା ଏସ୍ଆଇଟି କେବେ ଏହି ହତ୍ୟାକାଣ୍ଡ ଉପରୁ ପର୍ଦା ଉଠାଉଛି ତାହାକୁ ବ୍ୟଗ୍ରତାର ସହ ଅପେକ୍ଷା କରିଛନ୍ତି ରାଜ୍ୟବାସୀ।
Comments are closed.