ପାରାଦ୍ୱୀପ : ପାରାଦ୍ୱୀପ ନୂଆବଜ଼ାର କ୍ୱାର୍ଟରରେ ଅଗ୍ନିକାଣ୍ଡ ଘଟି ୫ ଜଣ ଅଳ୍ପକେ ବର୍ତ୍ତି ଯାଇଥିବା ବେଳେ ତିନିଟି ବାଇକ ସହ ଦୁଇଟି ସାଇକେଲ ପୋଡି ନଷ୍ଟ ହୋଇଯାଇଛି । ଅଗ୍ନିକାଣ୍ଡ ଖବର ପାଇ ବନ୍ଦର ସିଆଇଏସଏଫ ଅଗ୍ନିଶମ ବିଭାଗ କର୍ମଚାରୀ ମାନେ ପହଂଚି ନିଆଁକୁ ଆୟତ କରିଥିଲେ। ବିଦ୍ୟୁତ ସର୍ଟ ସର୍କିଟ ଯୋଗୁଁ ଅଗ୍ନିକାଣ୍ଡ ଘଟିଥିବା ସନ୍ଦେହ କରାଯାଉଛି ।
ସୂଚନା ଅନୁସାରେ, ନୂଆବଜ଼ାର ଅଂଚଳରେ ଥିବା ଫକୀର ମୋହନ କମ୍ପ୍ଲେକ୍ସ ଏ ଟାଇପ କ୍ୱାଟରରେ ହଠାତ କୌଣସି କାରଣରୁ ନିଆଁ ଲାଗି ଯାଇଥିଲା । ତିନି ତାଲାରେ ନିଆଁ ଲାଗିବା ଦେଖି ଲୋକେ ଭୟଭୀତ ହୋଇ ତୁରନ୍ତ ଅଗ୍ନିଶମ ବିଭାଗକୁ ଫୋନ କରିଥିଲେ । ପୋର୍ଟ ସିଆଇଏସଏଫ ଅଗ୍ନିଶମ ବିଭାଗ କର୍ମଚାରୀ ମାନେ ପହଂଚି କ୍ୱାଟରରେ ଫସି ରହିଥିବା ପାଞ୍ଚ ଜଣ ଲୋକଙ୍କୁ ଉଦ୍ଧାର କରିଥିଲେ । ଅଧ ଘଣ୍ଟା କାଳ କସରତ ପରେ ନିଆଁକୁ ଆୟତ୍ତ କରାଯାଇଥିଲା । ଅଗ୍ନିକାଣ୍ଡରେ ସିଡ଼ି ଘରେ ଥିବା ୨ଟି ବାଇକ ଓ ସାଇକେଲ ପୋଡି ନଷ୍ଟ ହୋଇଯାଇଛି । ଘଟଣା ସମ୍ପର୍କରେ ଖବର ପାଇ ବନ୍ଦର ସଚିବ ପିଏନ ବାହେକର ପହଂଚି ସ୍ଥିତି ଅନୁଧ୍ୟାନ କରିଥିଲେ । ବିଦ୍ୟୁତ ସଟ ସର୍କିଟ ଯୋଗୁ ଅଗ୍ନିକାଣ୍ଡ ଘଟିଛି ବୋଲି ପ୍ରାଥମିକ ତଦନ୍ତରୁ ଜଣାପଡିଛି ।
Comments are closed.