ଭୋପାଳ : ମଧ୍ୟପ୍ରଦେଶର ରାଜଧାନୀ ଭୋପାଳରେ ପୁଲୱାମା ଆତଙ୍କବାଦୀ ଆକ୍ରମଣକୁ ବିରୋଧ କରି ପାକିସ୍ତାନର ଜାତୀୟ ପତକାକୁ ଅସମ୍ମାନ ପ୍ରଦର୍ଶନ କରାଯାଇଛି । ସ୍ଥାନୀୟ ଲୋକେ ରାସ୍ତାରେ ପାକିସ୍ତାନର ଜାତୀୟ ପତକାର ଚିତ୍ର ଆଙ୍କିଛନ୍ତି । ପାକିସ୍ତାନ ଜାତୀୟ ପତକାର ଚିତ୍ରକୁ ଲୋକମାନେ ପାଦରେ କୁଦିବା ସହ ଶହ ଶହ ଗାଡ଼ି ସେହି ରାସ୍ତା ଦେଇ ଚଳପ୍ରଚଳ କରୁଛି । ଏହା ସହ ପତାକାର ଉପରେ ପାକିସ୍ତାନ ମୁର୍ଦ୍ଦାବାଦ ବୋଲି ଲେଖା ହୋଇଛି । ଏନେଇ ପୁଲିସକୁ ସୂଚନା ମିଳିବା ପରେ ଘଟଣାସ୍ଥଳରେ ପହଞ୍ଚି ପାଣି ଢାଳି ପତାକା ଚିତ୍ରକୁ ଲିଭାଇ ଦିଆଯାଇଛି । ଜମ୍ମୁ-କାଶ୍ମରୀର ପୁଲୱାମା ଆତଙ୍କବାଦୀ ଆକ୍ରମଣକୁ ବିରେଧରେ ପୂର୍ବରୁ ମଧ୍ୟପ୍ରଦେଶରେ ଏଭଳି ଘଟଣା ଦେଖିବାକୁ ମିଳିଥିଲା ।
ଭୋପାଳ ବ୍ୟତୀତ ଉତ୍ତରପ୍ରଦେଶର ମୁଜାଫରନଗରରେ ବିଚ୍ ରାସ୍ତାରେ ପ୍ରାୟ ୬୦୦ ବର୍ଗ ଫୁଟର ପାକିସ୍ତାନ ଜାତୀୟ ପତକା ଅଙ୍କା ଯାଇଥିଲା । ସ୍ଥାନୀୟଲୋକ ଏହାକୁ ପ୍ରସ୍ତୁତ କରିବା ପରେ ଜୋତାରେ ଦଳିଥିଲେ ଏବଂ ପାକିସ୍ତାନ ବିରୋଧରେ ଶ୍ଲୋଗାନ ଦେଇଥିଲେ ।
ସୂଚନାଯୋଗ୍ୟ, ଫେବୃୟାରୀ ୧୪ରେ ପୁଲୱାମାରେ ସିଆରପିଏଫ ଗାଡ଼ି ଉପରକୁ ଆତଙ୍କବାଦୀମାନେ ଆକ୍ରମଣ କରିଥିଲେ । ଏଥିରେ ୪୦ ଜଣ ଯବାନ ସହିଦ ହୋଇଥିଲେ । ଏହାକୁ ନେଇ ସାରା ଭାରତରେ ପାକିସ୍ତାନ ବିରୋଧରେ କ୍ରୋଧ ପ୍ରକାଶ ପାଇବା ସହ ବିରୋଧ ପ୍ରଦର୍ଶନ କରାଯାଉଛି ।
