ବଡସାହି : କେନ୍ଦ୍ର ସଡକ, ପରିବହନ ଓ ରାଜପଥ, ଜାହାଜ, ରସାୟନ ଓ ସାର ରାଷ୍ଟ୍ରମନ୍ତ୍ରୀ ମନଶୁଖ୍ ଲକ୍ଷ୍ମଣଭାଇ ମାଣ୍ଡଭିୟା ବୁଧବାର ଦିନିକଆ ମୟୂରଭଞ୍ଜ ଗସ୍ତରେ ଆସୁଛନ୍ତି। ସେ ମୟୂରଭଞ୍ଜ ଜିଲା ବଡସାହି ନିର୍ବାଚନ ମଣ୍ଡଳୀ ଗସ୍ତରେ ଆସୁଛନ୍ତି। ବିଜେପି ପକ୍ଷରୁ ମିଳିଥିବା ସୂଚନା ଅନୁଯାୟୀ, ମନ୍ତ୍ରୀ ଶ୍ରୀଯୁକ୍ତ ମାଣ୍ଡଭିୟା ପ୍ରଥମେ ଭୁବନେଶ୍ବର ବିଜୁପଟ୍ଟନାୟକ ଅର୍ନ୍ତଜାତୀୟ ବିମାନ ବନ୍ଦରରେ ପହଞ୍ଚିବେ। ତାପରେ ପୂର୍ବାହ୍ନ ୧୧ଟାରେ ବିମାନ ବନ୍ଦରରୁ ହେଲିକପ୍ଟର ଯୋଗେ ମୟୂରଭଞ୍ଜ ଜିଲା, ବଡସାହି ବ୍ଲକ ମାଣତ୍ରୀ ଠାରେ ଥିବା ବଙ୍ଗଳା ପଡିଆରେ ଅବତରଣ କରିବେ। ସେଠାରେ ବିଜେପି ଦଳ ପକ୍ଷରୁ ଆୟୋଜିତ ହେବାକୁ ଥିବା ବିଜୟ ସଙ୍କଳ୍ପ ସଭାରେ ଯୋଗ ଦେବେ। ତାପରେ ଅପରାହ୍ନ ସାଢେ ଗୋଟାଏ ମିନିଟରେ ସେଠାରୁ ଫେରି କଟକ ସଦର ଯୋଶପଦା ହାଡପଡିଆରେ ହେବାକୁ ଥିବା ଅନୁରୂପ ସଭାରେ ଯୋଗ ଦେବେ। ମାଣତ୍ରୀ ଠାରେ ହେବାକୁ ଥିବା ସଭାରେ ରାଜ୍ୟର ତୁଙ୍ଗ ନେତାଙ୍କ ସମେତ ଦଳର ଜିଲା କର୍ମକର୍ତ୍ତା ଯୋଗଦେବେ। ଏନେଇ ଦଳ ପକ୍ଷରୁ ଜୋରଦାର ପ୍ରସ୍ତୁତି ଆରମ୍ଭ କରାଯାଇଛି।
Popular Categories
Previous article
Next article