ନୂଆଦିଲ୍ଲୀ.- ଏକଦା ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କର ପୋଷା କୁକୁର ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କୁ କାମୁଡି ଦେଇଥିବା ପ୍ରଣବଙ୍କ ଝିଅ ଶର୍ମିଷ୍ଠା ଟ୍ୱିଟ କରିଛନ୍ତି । ଏହି ପୋଷା କୁକୁରର ନାମ ବି ବଡ ଅଜବ ଥିଲା । ପୋଷା କୁକୁରକୁ ପ୍ରଣବ ମୁଖାର୍ଜୀଙ୍କ ଘର ଲୋକ ‘ ଡାକୁ’ ବୋଲି ଡାକୁଥୁଲେ ।
ସେହି ସମୟରେ ଅଟଳ ବିହାରୀ ବାଜପେୟୀ , ପ୍ରଣବ ମୁଖାର୍ଜୀଙ୍କର ପଡୋଶୀ ଥିଲେ । ପ୍ରଭାତ ଭ୍ରମଣ(ମର୍ଣ୍ଣିଂ ଓ୍ୱାକ୍)ରେ ଯାଉଥିବା ସମୟରେ କୁକୁରଟି ଅଟଳ ବିହାରୀ ବାଜପେୟୀଙ୍କୁ କାମୁଡି ଦେଇଥିଲା । ସେ ଚିତ୍କାର କରିଥିଲେ । ଏହା ଶୁଣି ପ୍ରଣବଙ୍କ ପତ୍ନୀ ଶୁର୍ଭା ମୁଖାର୍ଜୀ ବାହାରକୁ ଦଉଡି ଯାଇଥିଲେ। ଏହା ପରେ ବାଜପେୟୀ ହସିବା ସହ ନିଜ ସରକାରୀ ବାସ ଭବନରେ ଲଗାଇ ଥିବା ପନି ପରିବାକୁ କିଛି ଦେଇଥିଲେ । ଅନେକ ସମୟରେ ବାଜପେୟୀଙ୍କ ଘରେ ହେଉଥିବା ରୋଷାଇ ପ୍ରଣବ ମୁଖାର୍ଜୀଙ୍କ ଘରକୁ ଆସୁଥିଲା । ପ୍ରଣବ ମୁଖାର୍ଜୀଙ୍କ ଘରେ ହେଉଥିବା ଭଲ ଖାଦ୍ୟ ଅଟଳ ବିହାରୀ ବାଜପେୟୀଙ୍କ ଘରକୁ ଯାଉଥିବା ବୋଲି ପ୍ରଣବ ମୁଖାର୍ଜୀଙ୍କ ଝିଅ ଶର୍ମିଷ୍ଠା ମୁଖାର୍ଜୀ ନିଜ ଟ୍ୱିଟର ଆକାଉଣ୍ଟରେ ଉଲ୍ଲେଖ କରିଛନ୍ତି ।
ଭାରତ ରତ୍ନ ଅଟଳ ବିହାରୀ ବାଜପେୟୀଙ୍କର ମୃତ୍ୟୁ ପରେ ଅନେକ ଲୋକ ତାଙ୍କର ବିଷୟରେ ଟ୍ୱିଟ କରୁଛନ୍ତି । ପ୍ରଣବ ମୁଖାର୍ଜୀଙ୍କର ଝିଅ ବି ଟ୍ୱିଟ କରିବା ସହ ବାଜପେୟୀ ଜଣେ ଅସାଧାରଣ ବ୍ୟକ୍ତିତ୍ୱ ବୋଲି ଉଲ୍ଲେଖ କରିଛନ୍ତି ।
Remembering a childhood incident when our dog Daku bit Vajpeyee ji during his morning walk.Hearing dis,my mom rushed 2 c him.He had a good laugh &sent her back wid homegrown vegies. Exchange of culinary delights continued betwn d neighbors, leaving behind a flood of fond memories
— Sharmistha Mukherjee (@Sharmistha_GK) August 16, 2018
