କେଶର ବୃଦ୍ଧି ଓ ସୁନ୍ଦରତା ପାଇଁ ପିଆଜର ଖୁବ୍ ମହତ୍ବ ରହିଛି। ପିଆଜ ରସ କେଶର ଅନେକ ସମସ୍ୟା ଦୂର କରିବା ସହ କେଶରେ ଚମକ ଆଣିଥାଏ ଓ ଚନ୍ଦାପଣରୁ ମଧ୍ୟ ମୁକ୍ତି ଦେଇଥାଏ। ହେଲେ କୌଣସି ଜିନିଷକୁ ବ୍ୟବହାର କରିବାର ସଠିକ୍ ଉପାୟ ଜାଣି ରଖିବା ଉଚିତ। ତେବେ ଚାଲନ୍ତୁ ଜାଣିବା କେଶ ପାଇଁ ପିଆଜ ରସକୁ କିପରି ବ୍ୟବହାର କରିବା –
– ପିଆଜ ରସକୁ ନଡ଼ିଆ ତେଲ ସହିତ ମିଶାଇ ଲଗାଇଲେ ତାହା କେଶ ପାଇଁ ଅତ୍ୟନ୍ତ ଲାଭଦାୟକ। ଉଷୁମ ନଡ଼ିଆ ତେଲରେ ପିଆଜ ରସକୁ ମିଶାଇ କେଶର ମୂଳରେ ଲଗାଇବେ। ଏହାଦ୍ୱାରା କେଶ ବଢ଼ିବା ସହ କେଶରେ ଚମକ ଆସିଥାଏ।
– ବିୟରକୁ ପିଆଜ ରସରେ ମିଶାଇ ଲଗାଇଲେ କେଶ ଝଡ଼ିବା ଭଳି ସମସ୍ୟା କମିଥାଏ। ପ୍ରଥମେ କେଶକୁ ବିୟର ସାମ୍ପୁରେ ଧୋଇଦିଅନ୍ତୁ। ଏହାପରେ ପିଆଜ ରସକୁ କେଶର ମୂଳରେ ମାଲିସ କରିବେ। ଏହା କେଶ ବଢ଼ିବାରେ ସାହାଯ୍ୟ କରିଥାଏ ଓ କେଶରେ ଚମକ ମଧ୍ୟ ଆଣିଥାଏ।
– ପିଆଜ ରସକୁ ସିଧାସଳଖ ମଧ୍ୟ କେଶର ମୂଳରେ ଲଗାଇ ପାରିବେ। ପିଆଜକୁ ବାଟି ତାହାର ରସକୁ ଛାଣି ଦେବେ। ଏହାପରେ ପିଆଜକୁ ସିଧାସଳଖ କେଶର ମୂଳରେ ଲଗାଇ ମାଲିସ କରିବେ। ୧ ଘଣ୍ଟା ପରେ କେଶକୁ ସାମ୍ପୁରେ ଧୋଇଦେବେ। ଏହାଦ୍ବାରା ଅନେକ ସୁଫଳ ମିଳିଥାଏ।
