ଭୁବନେଶ୍ୱର – ଦେଶ ସହ ରାଜ୍ୟରେ କରୋନା ସଂକ୍ରମଣ ବୃଦ୍ଧି ପାଇଛି । ତୃତୀୟ ଲହର ଆରମ୍ଭ ହୋଇସାରିଲାଣି । ଏହେ ଘରେ ଘରେ ଥଣ୍ଡା କାଶ ଆକ୍ରାନ୍ତ । ମାତ୍ର କେତକ ସଚେତନ ଲୋକହିଁ କେବଳ କୋଭିଡ୍ ପରୀକ୍ଷଣ ପାଇଁ ଆସୁଛନ୍ତି । ଅନେକ ଲୋକ ଔଷଧ ଦୋକାନରୁ ଔଷଧ ନେଇ ଖାଉଥିବା ଦେଖିବା ପାଇଁ ମିଳୁଛି । ତଥାପି କୋଭିଡ୍ ସଂକ୍ରମଣ ବୃଦ୍ଧି ପାଇଛି ।
ସରକାର କୋଭିଡ୍ କଟକଣା ଲଗାଇଛନ୍ତି । ଏବେ ସମସ୍ତେ ସତର୍କ ହେଲେହିଁ ସଂକ୍ରମଣକୁ ହ୍ରାସ କରାଯାଇପାରିବ ବୋଲି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ସୂଚନା ଦେଇଛନ୍ତି । ଜାନୁଆରୀ ୧୫ ତାରିଖ ସୁଦ୍ଧା ରାଜ୍ୟରେ କରୋନା ସଂକ୍ରମଣ ଶୀର୍ଷରେ ପହଞ୍ଚି ପାରେ ବୋଲି ସେ ଅନୁମାନ କରିଛନ୍ତି । ସମସ୍ତେ ଏହି ସମୟରେ ସତର୍କ ରୁହନ୍ତୁ ବୋଲି ସେ ପ୍ରକାଶ କରିଛନ୍ତି ।
ଦେଶ ସହ ରାଜ୍ୟରେ ୧୫ରୁ ୧୮ ବର୍ଷ ବୟସ୍କ ବ୍ୟକ୍ତିଙ୍କ ଟିକାକରଣ ଆରମ୍ଭ ହୋଇଛି । ଏହା ସହ ବୟସ୍କ ବ୍ୟକ୍ତି ଏବଂ ସମ୍ମୁଖ ଯୋଦ୍ଧାମାନଙ୍କୁ କୋଭିଡ୍ ଟିକା ଦିଆଯାଉଛି । ଯେଉଁମାନେ ଟିକା ନେବା ୯ ମାସ ହୋଇ ସାରିଲାଣି ସେମାନେ ବୁଷ୍ଟର ଡୋଜ୍ ନେଇପାରିବେ ବୋଲି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ । ରାଜ୍ୟରେ ଏହି ମାସ ଶେଷ ସୁଦ୍ଧା ୫ ଲକ୍ଷ ୨୫ ହଜାରରୁ ଅଧିକଙ୍କୁ ବୁଷ୍ଟର ଡୋଜ୍ ଦିଆଯିବ ବୋଲି ସେ ସୂଚନା ଦେଇଛନ୍ତି ।
