ବିଦ୍ୟୁତ୍‍ ତାର ସଂସ୍ପର୍ଶରେ ଆସି ବୃଦ୍ଧଙ୍କ ମୃତ୍ୟୁ

କଳମପୁର : କଳାହାଣ୍ଡି ଜିଲା କଳମପୁର ବ୍ଲକ୍‍ ଭେଲାଗାଁ ର ଜଣେ ବୃଦ୍ଧ ବିଦ୍ୟୁତ୍‍ ତାର ସଂସ୍ପର୍ଶରେ ଆସିବା ଫଳରେ ତାଙ୍କର ମୃତ୍ୟୁ ହୋଇଛି। ମୃତ ବୃଦ୍ଧ ଜଣକ ଧନପୁର ଗ୍ରାମର ଦୁର୍ଯ୍ୟୋଧନ ରଣା(୬୦)। ସୂଚନା ଅନୁସାରେ, ସେ ପୋଖରୀ ହୁଡ଼ାରେ ଅମରୀ ଗଛ କାଟୁଥିବା ବେଳେ ପୋଖରୀ ଦେଇ ଯାଇଥିବା ଏକ ବିଦ୍ୟୁତ୍‍ ତାର ସଂସ୍ପର୍ଶରେ ଆସିଥିଲେ। ଯଦ୍ୱାରା ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଛି। ବିଦ୍ୟୁତ୍‍ ବିଭାଗର ଅବହେଳା ଯୋଗୁଁ ଏହି ଦୁର୍ଘଟଣା ଘଟିଥିବା ଦର୍ଶାଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି। ସୂଚନା ପାଇ ଜୟପାଟଣା ପୁଲିସ ଆଇଆଇସି ସୁଶାନ୍ତ କୁମାର ସାହୁ ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାଇବା ସହ ତଦନ୍ତ ଆରମ୍ଭ କରିଛନ୍ତି।