ନୂଆଦିଲ୍ଲୀ : ଓଲା ଇଲେକ୍ଟ୍ରିକ୍ ଭାରତୀୟ ବଜାରରେ ନିଜ ପ୍ରଥମ ଇଲେକ୍ଟ୍ରିକ୍ ମୋଟରସାଇକେଲ ରୋଡଷ୍ଟର ଏକ୍ସ ଲଞ୍ଚ୍ କରିଦେଇଛି । କମ୍ପାନୀ ଏହି ଏଣ୍ଟ୍ରି ଲେବଲ ଏକ୍ସ ସିରିଜରେ ୨ ମଡେଲ ରୋଡଷ୍ଟର ଏକ୍ସ ଓ ରୋଡଷ୍ଟର ଏକ୍ସ ପ୍ଲସ୍ ଲଞ୍ଚ୍ କରିଛି । ଖାସ୍ କଥା ହେଉଛି କି ଏହି ମୋଟରସାଇକେଲକୁ ଥରେ ଚାର୍ଜ କଲେ ୫୦୧ କିଲୋମିଟର ଯାତ୍ରା କରିପାରିବ । ରୋଡଷ୍ଟର ଏକ୍ସକୁ ୩ ବ୍ୟାଟେରୀ ପ୍ୟାକ୍ ଓ ରୋଡଷ୍ଟର ଏକ୍ସ ପ୍ଲସକୁ ୨ ବ୍ୟାଟେରୀ ପ୍ୟାକରେ ଲଞ୍ଚ୍ କରାଯାଇଛି । କମ୍ପାନୀ ଏହି ମୋଟରସାଇକେଲର ପ୍ରାରମ୍ଭିକ ଏକ୍ସ ଶୋରୁମ୍ ଦାମ୍ ୮୯,୯୯୯ ଟଙ୍କା ନିର୍ଦ୍ଧାରିତ କରିଛି । କିନ୍ତୁ ଏବେ କମ୍ପାନୀ ଏଥିରେ ୧୫ ହଜାରର ଇଣ୍ଟ୍ରୋଡକ୍ଟ୍ରୀ ରିହାତି ଦେଉଛି ।
ଓଲା ରୋଡଷ୍ଟର ଏକ୍ସକୁ ୩ ବ୍ୟାଟେରୀ ପ୍ୟାକରେ ଲଞ୍ଚ୍ କରିଛି । ଏଥିରେ ୨.୫ କିଲୋଓ୍ବାଟ, ୩.୫ କିଲୋଓ୍ବାଟ୍ ଓ ୪.୫ କିଲୋଓ୍ବାଟ୍ ବ୍ୟାଟେରୀ ପ୍ୟାକ୍ ସାମିଲ । ଏଥିରେ ୭ କିଲୋଓ୍ବାଟ ପିକ୍ ପାଓ୍ବର ବିଶିଷ୍ଟ ମୋଟର ମିଳିଥାଏ । ଏହି ମୋଟରସାଇକେଲର ଟପ୍ ସ୍ପିଡ୍ ୧୧୮ କିଲୋମିଟର ପ୍ରତି ଘଣ୍ଟା । ଏହା ଶୂନ୍ୟରୁ ୪୦ କିଲୋମିଟର ପ୍ରତି ଘଣ୍ଟାର ସ୍ପିଡ୍ ୩.୧ ସେକେଣ୍ଡରେ ପୁରା କରିପାରିଥାଏ । କମ୍ପାନୀ କହିଛି କି ଏହାର ଆଇଡିସି ରେଞ୍ଜ ୨୫୨ କିଲୋମିଟର । ୨.୫ କିଲୋଓ୍ବାଟ୍ ବ୍ୟାଟେରୀ ପ୍ୟାକର ଦାମ୍ ୭୪,୯୯୯ ଟଙ୍କା, ୩.୫ କିଲୋଓ୍ବାଟ୍ ବ୍ୟାଟେରୀ ପ୍ୟାକର ଦାମ୍ ୮୪,୯୯୯ ଟଙ୍କା ଏବଂ ୪.୫ କିଲୋଓ୍ବାଟ ବ୍ୟାଟେରୀ ପ୍ୟାକର ଦାମ୍ ୯୪,୯୯୯ ଟଙ୍କା ରଖିଛି କମ୍ପାନୀ ।
ଓଲା ରୋଡଷ୍ଟର ଏକ୍ସ ପ୍ଲସରେ ୨ ବ୍ୟାଟେରୀ ପ୍ୟାକରେ ଲଞ୍ଚ୍ କରାଯାଇଛି । ଏଥିରେ ୪.୫ କିଲୋଓ୍ବାଟ ଓ ୯.୧ କିଲୋଓ୍ବାଟ ବ୍ୟାଟେରୀ ପ୍ୟାକ୍ ସାମିଲ ରହିଛି । ଏଥିରେ ୧୧ କିଲୋଓ୍ବାଟ ପିକ୍ ପାଓ୍ବର ବିଶିଷ୍ଟ ମୋଟର ମିଳିଥାଏ । ଏହି ବାଇକର ଟପ୍ ସ୍ପିଡ୍ ୧୨୫ କିଲୋମିଟର ପ୍ରତି ଘଣ୍ଟା । ମାତ୍ର ୨.୭ ସେକେଣ୍ଡରେ ଏହା ଶୂନ୍ୟରୁ ୪୦ କିଲୋମିଟର ପ୍ରତି ଘଣ୍ଟା ସ୍ପିଡ୍ ଧରିପାରେ । କମ୍ପାନୀ କହିଛି କି ଏହା ବଡ ବ୍ୟାଟେରୀ ପ୍ୟାକ ସହିତ ଆସିବ ଏବଂ ଥରେ ଚାର୍ଜ କଲେ ୫୦୧ କିଲୋମିଟର ଯାତ୍ରା କରିପାରିବ । ୪.୫ କିଲୋଓ୍ବାଟ ବ୍ୟାଟେରୀ ପ୍ୟାକର ଦାମ୍ ୧.୦୪,୯୯୯ ଟଙ୍କା ଏବଂ ୯.୧ କିଲୋଓ୍ବାଟ ବ୍ୟାଟେରୀ ପ୍ୟାକର ଦାମ୍ ୧୫୪,୯୯୯ ଟଙ୍କା ରଖିଛି କମ୍ପାନୀ । କହିରଖୁଛୁ ଏହି ସମସ୍ତ ମୋଟରସାଇକେଲରେ ୧୫ ହଜାର ଟଙ୍କାର ଇଣ୍ଟ୍ରୋଡକ୍ଟ୍ରି ରିହାତି ମିଳୁଛି । ତେବେ ଏହି ଅଫର କେତେଦିନ ପର୍ଯ୍ୟନ୍ତ ରହିବ ସେନେଇ କମ୍ପାନୀ କୌଣସି ସୂଚନା ଦେଇନି ।
