ଡେସ୍କ: ଯାତ୍ରୀ ସୁବିଧା ବୃଦ୍ଧି କରିବା ଲକ୍ଷ୍ୟରେ, ପୂର୍ବତଟ ରେଳପଥ ଆସନ୍ତାକାଲି ଠାରୁ ଅର୍ଥାତ ଏପ୍ରିଲ ୧୬ ଠାରୁ ପରୀକ୍ଷାମୂଳକ ଭାବରେ ଦେଓଗାଁ ରୋଡ ଷ୍ଟେସନରେ ସମ୍ବଲପୁର-ରାୟଗଡା-ସମ୍ବଲପୁର ଏକ୍ସପ୍ରେସର ରହଣି କରିବ।
ସୂଚନା ଅନୁଯାୟୀ, ଏପ୍ରିଲ ୧୬ ଦିନ ସମ୍ବଲପୁରରୁ ଛାଡୁଥିବା ୧୮୩୦୧ ସମ୍ବଲପୁର-ରାୟଗଡା ଏକ୍ସପ୍ରେସ ସକାଳ ୮.୧୪ମିରେ ଦେଓଗାଁ ରୋଡରେ ପହଞ୍ଚିବ ଏବଂ ସକାଳ ୮.୧୬ମିରେ ରାୟଗଡା ଅଭିମୁଖେ ଯାତ୍ରା କରିବ। ଫେରିବା ମାର୍ଗରେ ଆସନ୍ତାକାଲି ରାୟଗଡାରୁ ଛାଡୁଥିବା ୧୮୩୦୨ ରାୟଗଡା-ସମ୍ବଲପୁର ଏକ୍ସପ୍ରେସ ସନ୍ଧ୍ୟା ୪.୪୦ମିରେ ଦେଓଗାଁ ରୋଡରେ ପହଞ୍ଚିବ ଏବଂ ସନ୍ଧ୍ୟା ୪.୪୨ମିରେ ସମ୍ବଲପୁର ଅଭିମୁଖେ ଯାତ୍ରା କରିବ।
