ଗୋପାଳପୁର : ଗୋଳନ୍ଥରା ଥାନା ଅଧିନସ୍ଥ ବି ଗୋବିନ୍ଦ ପୁର ନିକଟରେ ଯୁବକଙ୍କୁ ଖଣ୍ଡାରେ ଆକ୍ରମଣ ଘଟଣାରେ ଆଜି ଗୋଳନ୍ଥରା ପୋଲିସ ଜଣେ ଯୁବକକୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଯୁବକ ଜଣଙ୍କ ଗୋବିନ୍ଦପୁରର ସତ୍ୟ ପ୍ରଧାନ ଓରଫ ହାଣ୍ଡୁ ବୋଲି ପୋଲିସ ପକ୍ଷରୁ ସୂଚନା ମିଳିଛି । ଅଭିଯୋଗ ଅନୁଯାଇ ଗୋଳନ୍ଥରା ଥାନା ଅଧିନସ୍ଥ ସାନ କୁସୁମି ଗ୍ରାମର ଶିବ ପ୍ରଧାନ ଓ ବି.ଗୋବିନ୍ଦପୁର ଗ୍ରାମର ଚାରି ଜଣ ସାଙ୍ଗ ମିଶି ଗତ ୧୫ ତାରିଖ ସକାଳେ ଗାଁ ମସାଣି ନିକଟରେ ଏକ ଭୋଜି ଆୟୋଜନ କରିଥିଲେ । ଅପରାହ୍ନରେ ଗ୍ରାମର ମଶାଣି ନିକଟରେ ଭୋଜି ଖାଇବା ପରେ ସତ୍ୟ ପ୍ରଧାନ ଶିବ ପ୍ରଧାନଙ୍କୁ ମତେ ଟିକେ ଘରେ ଛାଡ଼ିଦେବାକୁ କହିଥିଲା। ଉଭୟ ଚାଲି ଚାଲି ଯାଉଥିବା ବେଳେ ବି. ଗୋବିନ୍ଦପୁର ନିକଟରେ ସତ୍ୟ ଏକ ଧାରୁଆ ଖଣ୍ଡାରେ ଶିବଙ୍କ ମୁଣ୍ଡକୁ ଆକ୍ରମଣ କରିଥିଲା, ଯାହାଫଳରେ ସେଠାରେ ରକ୍ତାକ୍ତ ଅବସ୍ଥାରେ ଶିବ ଅଚେତ ହୋଇ ପଡ଼ି ଯାଇଥିଲା । ଅନ୍ୟ ଦୁଇ ସାଙ୍ଗ ଘଟଣାସ୍ଥଳରେ ପହଞ୍ଚି ଶିବକୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ। ଘଟଣା ନେଇ ଆଜି ଶିବ ଗୋଳନ୍ଥରା ଥାନାରେ ଲିଖିତ ଅଭିଯୋଗ କରିଥିଲେ ।
Popular Categories
Previous article
Next article