ଡେସ୍କ: ଆସନ୍ତା ଏପ୍ରିଲ୍ ମାସ ୧୫ରେ ସମସ୍ତ ମନ୍ତ୍ରୀ ଓ ବିଧାୟକ ଚିଲିକା ବୁଲିବାକୁ ଯିବେ। ବିଧାନସଭା ପକ୍ଷରୁ ଏ ନେଇ ବ୍ୟବସ୍ଥା କରାଯାଇଛି। ବାଚସ୍ପତି ସୂର୍ଯ୍ୟନାରାୟଣ ପାତ୍ର ଏ ନେଇ ବିଧାନସଭାରେ ଆଜି ଘୋଷଣା କରିଛନ୍ତି। ଶ୍ରୀ ପାତ୍ର କହିଛନ୍ତି ଯେ ଏଥିଲାଗି ଏପ୍ରିଲ ୬ ତାରିଖ ସୁଦ୍ଧା ଇଚ୍ଛୁକ ଥିବା ମନ୍ତ୍ରୀ ଓ ବିଧାୟକମାନେ ବିଧାନସଭା ସଚିବାଳୟକୁ ଅବଗତ କରିବେ। ୧୫ ତାରିଖ ଦିନ ସକାଳ ୭ଟାରେ ବିଧାନସଭାରେ ସମସ୍ତଙ୍କୁ ପହଂଚିବା ପାଇଁ କୁହାଯାଇଛି। ସକାଳ ଜଳଖିଆ ଖାଇବା ପରେ ସମସ୍ତ ଆଇଏନ୍ଏସ୍ ଚିଲିକା ଯିବେ। ପରେ ବିଧାୟକ ଓ ମନ୍ତ୍ରୀମାନେ କାଳିଜାଇ ବୁଲିବେ ଏବଂ ଆଇଏନ୍ଏସ୍ ଚିଲିକାରେ କେମିତି ଯୁଦ୍ଧ ପ୍ରସ୍ତୁତି ହେଉଛି, ତାହା ଦେଖିବେ। ସେହିଦିନ ସଂଧ୍ୟା ୬ଟାରେ ସମସ୍ତେ ଭୁବନେଶ୍ୱର ଫେରି ଆସିବାର କାର୍ଯ୍ୟକ୍ରମ ରହିଛି।
Popular Categories
Previous article
Next article