ସମ୍ବଲପୁର: ସମ୍ବଲପୁର ଦେଇ ଯାତ୍ରା କରୁଥିବା ରାଜ୍ୟରାଣୀ ଏକ୍ସପ୍ରେସରୁ ଜଣେ ବରିଷ୍ଠ ନାଗରିକ ଯାତ୍ରୀ ନିଖୋଜ ହୋଇଯାଇଛନ୍ତି। ସମ୍ବଲପୁର ଜିଆରପି ଥାନାରେ ଦିଆଯାଇଥିବା ଅଭିଯୋଗ ଅନୁଯାୟୀ, ସୁନ୍ଦରଗଡ଼଼ ଜିଲା ରାଜଗାଙ୍ଗପୁର ନିବାସୀ ଅନନ୍ତ ପରିଡ଼ା (୬୨) ପରିବାର ସହିତ ଗତ ୯ ତାରିଖ ରାତ୍ରିରେ ପରିବାର ସହିତ ଭୁବନେଶ୍ୱରରୁ ରାଜଗାଙ୍ଗପୁର ରାଜ୍ୟରାଣୀ ଏକ୍ସପ୍ରେସର ସାଧାରଣ ବଗିରେ ଯାତ୍ରା କରୁଥିଲେ। କିନ୍ତୁ ଅନୁଗୁଳରୁ ସମ୍ବଲପୁର ମଧ୍ୟରେ କୌଣସି ସ୍ଥାନରୁ ସେ ରେଳଗାଡିରୁ ନିଖୋଜ ହୋଇଯାଇଛନ୍ତି। ଏଣୁ ପରିବାର ଲୋକେ ବହୁ ଖୋଜାଖୋଜି ସତ୍ୱେ ତାଙ୍କୁ ନ ପାଇବାରୁ ବାଧ୍ୟ ହୋଇ ସମ୍ବଲପୁର ଜିଆରପି ଥାନାରେ ଅଭିଯୋଗ କରିଛନ୍ତି। ଏଣୁ ଜିଆରପି ଏକ ମାମଲା ରୁଜୁ କରି ଘଟଣାର ତଦନ୍ତ କରି ନିଖୋଜ ବ୍ୟକ୍ତିଙ୍କୁ ଠାବ କରିବାକୁ ଉଦ୍ୟମ କରୁଛି।
Comments are closed.