କେନ୍ଦୁଝରଗଡ: ଭାରତୀୟ ରିଜର୍ଭ ବ୍ୟାଙ୍କ, ଭୁବନେଶ୍ୱର ପକ୍ଷରୁ କେନ୍ଦୁଝର ଜିଲ୍ଲା, ସରକାରୀ ମହିଳା ମହାବିଦ୍ୟାଳୟରେ ଶନିବାର ଦିନ ଏକ କ୍ୟାରିୟର କାଉନସେଲିଂ ତଥା ଆର୍ଥିକ ସାକ୍ଷରତା ଶିବିର ଅନୁଷ୍ଠିତ ହୋଇଛି। ଏହି କାର୍ଯ୍ୟକ୍ରମରେ ମହାବିଦ୍ୟାଳୟର ଅଧ୍ୟକ୍ଷ ଡ଼. ଲଳିତ ରଞ୍ଜନ ସାହୁ, ରସାୟନ ବିଜ୍ଞାନ ବିଭାଗ ଅଧ୍ୟାପକ ଡ଼. ବିଷ୍ଣୁ ଚରଣ ଦାସ, ମୁଖ୍ୟ ବକ୍ତା ଭାବରେ ରିଜର୍ଭ ବ୍ୟାଙ୍କର ପ୍ରବନ୍ଧକ ବିନୋଦ କୁମାର ଦାସ ଏବଂ ଅନ୍ୟ ଅଧ୍ୟାପକ ଅଧ୍ୟାପିକା ମାନେ ଯୋଗ ଦେଇଥିଲେ। କାର୍ଯ୍ୟକ୍ରମରେ ମହାବିଦ୍ୟାଳୟର ବିଭିନ୍ନ ବିଭାଗର ପ୍ରାୟ ୩୦୦ ଛାତ୍ରୀ (ସ୍ନାତକ ଓ ସ୍ନାତକୋତ୍ତର) ଅଂଶ ଗ୍ରହଣ କରିଥିଲେ। ଶ୍ରୀ ଦାସ ଛାତ୍ରୀ ମାନଙ୍କୁ ଆରବିଆଇର ଗୁରୁତ୍ୱପୂର୍ଣ୍ଣ ଭୂମିକା ସମ୍ପର୍କରେ ଆଲୋଚନା କରିବା ସହିତ କ୍ୟାରିୟରର ଅଗ୍ରଗତି, ଉପଲବ୍ଧ ସୁବିଧା, ପରୀକ୍ଷା ଢାଞ୍ଚା ସମ୍ବନ୍ଧରେ ଅବଗତ କରାଇଥିଲେ। ପଦାର୍ଥ ବିଜ୍ଞାନ ବିଭାଗ ଅଧ୍ୟାପିକା ଡ଼. ପ୍ରୀତି ମଞ୍ଜରୀ ମିଶ୍ର ଏହି କାର୍ଯ୍ୟକ୍ରମର ସଂଯୋଜନା ଓ ପରିଚାଳନା କରିଥିଲେ।
Popular Categories
Previous article
Next article