ସଭ୍ୟ ସଚେତନତା କାର୍ଯ୍ୟକ୍ରମ ଅନୁଷ୍ଠିତ

ଗୋପାଳପୁର: ଗୋପାଳପୁର ସ୍ଥିତ ସମବାୟ ପରିଚାଳନା ପ୍ରତିଷ୍ଠାନ ପରିସରରେ ଆଜି ସମବାୟ ସଭ୍ୟ ସଚେତନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବେ ସ୍ଥାନୀୟ ବିଧାୟକ ତଥା ରାଜ୍ୟ ବାଣିଜ୍ୟ ପରିବହନ, ଖଣି ଓ ଇସ୍ପାତ ମନ୍ତ୍ରୀ ବିଭୂତି ଭୂଷଣ ଜେନା ଯୋଗ ସମବାୟ ତୃଣମୂଳ ସ୍ତରରେ ସମସ୍ତଙ୍କ ଆର୍ଥିକ ବ୍ୟବସ୍ଥାରେ ଉନ୍ନତି ଆଣିବାରେ ବିଶେଷ ସହାୟକ ହୋଇଛି ବୋଲି କହିଛନ୍ତି। ଉଦଘାଟକ ଭାବେ ସମବାୟ, ବୟନ, ହସ୍ତତନ୍ତ ଓ ହସ୍ତଶିଳ୍ପ ମନ୍ତ୍ରୀ ପ୍ରଦୀପ ବଳ ସାମନ୍ତ ଯୋଗ ଦେଇ କେନ୍ଦ୍ର ଓ ରାଜ୍ୟ ସକରାରଙ୍କ ଦ୍ବାରା ପ୍ରଣୟନ ସମବାୟ ବିଭାଗର ବିଭିନ୍ନ ଯୋଜନା ସମ୍ପର୍କରେ ମତବ୍ୟକ୍ତ କରିଥିଲେ। ଗଞ୍ଜାମ ଜିଲ୍ଲାପାଳ ଦିବ୍ୟଜ୍ୟୋତି ପରିଡ଼ା ଯୋଗ ଦେଇ ସରକାରଙ୍କ ଯୋଜନା ଏବଂ ମାଣ୍ଡିଆ ଚାଷର ଆମଦାନୀ ଓ ରପ୍ତାନୀ ଉପରେ ଲୋକେ କିପରି ଲାଭବାନ ହୋଇ ପାରିବେ ତାହାରି ଉପରେ କହିଥିଲେ। ସମବାୟ ୟୁନିୟନ ସଭାପତି ପ୍ରଭାସିନି ଷଡ଼ଙ୍ଗୀ,ସମ୍ପାଦକ ବ୍ରହ୍ମl ନନ୍ଦ ପରିଡ଼ା, ସମବାୟ ପ୍ରତିଷ୍ଠାନର ଉନ୍ନୟନ କମିଟି ଅଧ୍ୟକ୍ଷ କୈଳାସ ଚନ୍ଦ୍ର ରଣା, ସମବାୟ ବରିଷ୍ଠ ଅଧିକାରୀ ସୁଶାନ୍ତ କୁମାର ପଣ୍ଡା, ଡ଼ିଆରସିଏସ ପର୍ଶୁରାମ ପାତ୍ର ପ୍ରମୁଖ ମଞ୍ଚାସିନ ଥିଲେ।