ଫୁଲବାଣୀ: ଘରୋଇ କଳହକୁ କେନ୍ଦ୍ର କରି ମଝିଆ ଭାଇର ଛୁରା ମାଡ଼ରେ ବଡ ଭାଇ ମୃତ୍ୟୁ ବରଣ କରିଥିବା ବେଳେ ସାନ ଭାଇ ଗୁରୁତର ଆହତ ହୋଇଛନ୍ତି। ଏଭଳି ଅଭାବନାୟ ଘଟଣା ଘଟିଛି କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଅଧୀନରେ ଥିବା ସୁମେରବନ୍ଧ ପଞ୍ଚାୟତର ଲଦାପଦର ଗାଁ ମୁରଡ଼ସାହିରେ।
ସୂଚନା ଅନୁସାରେ ଗୁରୁବାର ବିଳମ୍ବିତ ରାତିରେ ଏହି ମୁରଡ଼ସାହି ଗାଁ କୃଷ୍ଣ କହଁର, ମଝିଆଁ ଭାଇ ରାମ କହଁର ଓ ସାନ ଭାଇ ଲକ୍ଷ୍ମଣ କହଁରଙ୍କ ମଧ୍ୟରେ କୌଣସି କଥାକୁ ନେଇ ପାଟିତୁଣ୍ଡ ହୋଇଥିଲା। ଏଥିରେ ଉତକ୍ଷିପ୍ତ ହୋଇ ମଝିଆ ଭାଇ ଏକ ଧାରୁଆ ଛୁରୀରେ ମଝିଆ ଭାଇ ରାମ କହଁର ବଡ଼ ଭାଇ କୃଷ୍ଣ କହଁର ଓ ସାନ ଭାଇ ଲକ୍ଷ୍ମଣ କହଁରଙ୍କୁ ଆକ୍ରମଣ କରିଥିଲା। ତେବେ ଛୁରା ମାଡ଼ରେ ବଡ ଭାଇ କୃଷ୍ଣ କହଁରଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ସାନ ଭାଇ ଲକ୍ଷ୍ମଣ କର ଗୁରୁତର ଆହତ ହୋଇ ମେଡିକାଲରେ ଚିକିତ୍ସିତ ହେଉଛନ୍ତି। ଫିରିଙ୍ଗିଆ ପୋଲିସ ଘଟଣାସ୍ଥଳରେ ପହଂଚି ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ପାଇଁ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଲୟକୁ ପଠାଇଛି।
