କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଦୁଇ ଦିନ ଧରି ୧୮୦ ଜଣ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ନେଇ ରାଜ୍ୟ ଶିକ୍ଷା ଓ ସ୍ୱାସ୍ଥ୍ୟ ବିଭାଗ ମିଳିତ ସହଯୋଗରେ ବ୍ଲକ ସ୍ତରୀୟ ସୁରେନ୍ଦ୍ର ସାଏ ଦିବ୍ୟଦୃଷ୍ଟି ତାଲିମ ପ୍ରଦାନ ଶିବିର ଅନୁଷ୍ଠିତ କରାଯାଇଛି। ଶିକ୍ଷାନୁଷ୍ଠାନ ପ୍ରଦର୍ଶନ ଓ ଛାତ୍ରମାନଙ୍କର ଉନ୍ନତ ଚକ୍ଷୁ ପାଇଁ ଦୃଷ୍ଟିହୀନତାର ଶୀଘ୍ର ଚିହ୍ନଟିକରଣ ଏବଂ ଚିକିତ୍ସା ପାଇଁ ବିଦ୍ୟାଳୟ ସ୍ତରରେ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ତାଲିମ ପ୍ରଦାନ କରାଯାଇଛି। ତାଲିମ ପାଇବା ପରେ ଶିକ୍ଷକ ଶିକ୍ଷୟିତ୍ରୀ ମାନେ ନିଜ ଅନୁଷ୍ଠାନରେ ଥିବା ପ୍ରଥମ ଶ୍ରେଣୀ ଠାରୁ ଦଶମ ଶ୍ରେଣୀ ପର୍ଯ୍ୟନ୍ତ ସମସ୍ତ ଛାତ୍ର ମାନଙ୍କର ଚକ୍ଷୁ ପରୀକ୍ଷା କରିବା ସହ ଚକ୍ଷୁ ସମସ୍ୟାର ଚିହ୍ନଟିକରଣ କରି ଚକ୍ଷୁ ଅଧିକାରୀଙ୍କ ନିକଟରେ ଭିଜନ ଚେକ କରାଇବେ। ତ୍ରୁଟି ଜଣାପଡିବା ପରେ ଛାତ୍ର ଛାତ୍ରୀ ମାନଙ୍କୁ ଚଷମାର ଯୋଗାଣ କରାଇବା ଓ ଅନ୍ୟାନ୍ୟ ଚକ୍ଷୁ ସମସ୍ୟା ଥିବା ଛାତ୍ର ଛାତ୍ରୀଙ୍କୁ ଉପଯୁକ୍ତ ସ୍ୱାସ୍ଥ୍ୟ ସୁବିଧା ଯୋଗାଇବା ଏହାର ଲକ୍ଷ୍ୟ।
Comments are closed.