ବୁର୍ଲା: ବରଗଡ ପଞ୍ଚାୟତ ମହାବିଦ୍ୟାଳୟ, ବରଗଡର ପ୍ରାଣୀବିଜ୍ଞାନ ବିଭାଗ ଆନୁକୂଲ୍ୟରେ ଆନୁଷଙ୍ଗିକ ଅତିରିକ୍ତ ବକ୍ତବ୍ୟ ଅଧିବେଶନ ଅନୁଷ୍ଠିତ ହୋଇଯାଇଛି। ଏଥିରେ ପୂର୍ବାହ୍ନ ଅଧିବେଶନରେ ବିଶେଷଜ୍ଞ ବକ୍ତାରୁପେ ଗଙ୍ଗାଧର ମେହେର ବିଶ୍ଵବିଦ୍ୟାଳୟ ସମ୍ବଲପୁର ଶିକ୍ଷା ବିଭାଗ ଡ ପାର୍ଥସାରଥୀ ମଲ୍ଲିକ ଯୋଗଦେଇ ଜାତୀୟ ଶିକ୍ଷା ନୀତି ୨୦୨୦ ଉପରେ ଆଲୋକପାତ କରିଥିଲେ। ଗବେଷଣା ଅଧିକାରୀ ଗଙ୍ଗାଧର ମେହେର ବିଶ୍ଵବିଦ୍ୟାଳୟ ଡ ଚନ୍ଦନ ସାହୁ ଯୋଗ ଦେଇ ଅନୁସନ୍ଧାନ ପଦ୍ଧତି ଉପରେ ବକ୍ତବ୍ୟ ପ୍ରଦାନ କରିଥିଲେ। ଅଧିବେଶନ ପ୍ରାରମ୍ଭରେ ବିଭାଗୀୟ ମୁଖ୍ୟ ଡ ବିଦ୍ୟୁତପ୍ରଭା ମହାନ୍ତି ସ୍ବାଗତ ଅଭିଭାଷଣ ପ୍ରଦାନ କରିଥିବା ବେଳେ ଶ୍ରୀକାନ୍ତ ପ୍ରସାଦ ଖମାରୀ ଅତିଥି ମାନଙ୍କର ପରିଚୟ ପ୍ରଦାନ କରିଥିଲେ। ଏହି ଅଧିବେଶନରେ ଧନ୍ୟବାଦ୍ ଅର୍ପଣ କରିଥିଲେ ପୂର୍ଣ୍ଣିମା ଦାଶ। ଏହାପରେ ଅପରାହ୍ନ ଅଧିବେଶନରେ ବିଶେଷଜ୍ଞ ବକ୍ତା ରୂପେ ଯୋଗାଯୋଗ ଯନ୍ତ୍ର ତଥା ଆଭାସି ମାଧ୍ୟମରେ ଇଂରାଜୀ ବିଭାଗ ମଡେଲ ଡିଗ୍ରୀ କଲେଜ ଦେବଗଡରୁ ସୁଶ୍ରୀ ସତରୂପା ମିଶ୍ର ଯୋଗ ଦେଇଥିଲେ। ଏଥିରେ ବିଭାଗୀୟ ମୁଖ୍ୟ ଡ ଵିଦ୍ୟୁତ୍ପ୍ରଭା ମହାନ୍ତି ସ୍ବାଗତ କରିଥିବା ବେଳେ ଡ ପ୍ରଜ୍ଞାରମିତା ନାୟକ ଅତିଥି ପରିଚୟ ପ୍ରଦାନ କରିଥିଲେ। ଶେଷରେ ଧନ୍ୟବାଦ ଅର୍ପଣ କରିଥିଲେ ରାମ ଚନ୍ଦ୍ର ସୋରେନ। କାର୍ଯ୍ୟକ୍ରମକୁ ଯୋଗାଯୋଗ ସହ ପରିଚାଳନା କରିଥିଲେ ସୁରଜ୍ ପ୍ରସାଦ କର ଏବଂ ପିଙ୍କି ପାଣିଗ୍ରାହୀ। ଏହି କାର୍ଯ୍ୟକ୍ରମରେ ଅନ୍ୟାନ୍ୟ ବିଭାଗର ଅଧ୍ୟାପକ, ଅଧ୍ୟାପିକା ଏବଂ ବହୁସଂଖ୍ୟାରେ ଯୋଗଦାନ କରିଥିଲେ।
Popular Categories
Previous article
Next article