୬ ମାସ ହେଲା ପୋଷ୍ଟ ଅଫିସର ଓଜନ ମେସିନ୍ ଅଚଳ

ରେଙ୍ଗାଲି: ସମ୍ବଲପୁର ଜିଲ୍ଲାର ଲଇଡା ଠାରେ ଥିବା ସବ୍ ପୋଷ୍ଟ ଅଫିସର ଓଜନ ମେସିନ୍ ଗତ ୬ମାସ ହେଲା ଅଚଳ ହୋଇ ପଡିଛି। ଅଚଳ ମେସିନକୁ ମରାମତି କରାଯାଉନାହିଁ କି ପ୍ରତିବଦଳରେ ନୁଆଁ ମେସିନ୍ ଯୋଗାଇ ଦିଆଯାଉନାହିଁ। ଫଳରେ ବ୍ୟାପକ ଅସୁବିଧା ଦେଖା ଦେଉଛି। ରେଜିଷ୍ଟି ଚିଠି, ପାର୍ସଲ୍ ଆଦିର ଓଜନ କରିବା ପାଇଁ ସାହି ପଡିଶାରେ ଥିବା ଦୋକାନକୁ ଯାଇ ଓଜନ କରାଯିବା ଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳୁଛି। ସରକାର ଡାକ ସେବାର ଆଧୁନିକୀକରଣ ଓ ଭିତ୍ତିଭୂମିର ବିକାଶ ପାଇଁ ଗୁରୁତ୍ୱ ଦିଆଯାଉଛି ବୋଲି ପ୍ରଚାର ପ୍ରସାର ହେଉଥିବା ବେଳେ ଲଇଡା ସବ୍-ପୋଷ୍ଟ ଅଫିସରେ ୬ମାସ ହେଲା ଓଜନ ମେସିନ୍ ଅଚଳ ହୋଇ ପଡି ରହିଥିଲେ ମଧ୍ୟ ନୂତନ ମେସିନ୍ ଯୋଗାଇ ନଦେବା ସରକାରଙ୍କ ତଥାକଥିତ ଡାକ ସେବା ଆଧୁନିକୀକରଣ ପ୍ରତି ଆନ୍ତରିକତା କେତେ ତାହା ସ୍ପଷ୍ଟ ଭାବରେ ଜଣାପଡୁଛି ବୋଲି ସଚେତନ ମହଲରେ କ୍ଷୋଭ ପ୍ରକାଶ ପାଉଛି।

ଅଧିକ ସମ୍ବାଦ ପାଇଁ ଏହି ଲିଙ୍କରେ କ୍ଲିକ କରନ୍ତୁ: https://samajalive.in

ମୋବାଇଲରେ ସମ୍ବାଦ ପାଇବା ପାଇଁ ଏହି ଲିଙ୍କରେ କ୍ଲିକ କରି ଆମ ହ୍ଵାଟସ ଆପ ଗୃପରେ ଜଏନ କରନ୍ତୁ: https://chat.whatsapp.com/8tkc88wC0L7089V56S8SyG

ସମାଜ ଡିଜିଟାଲ ନିଉଜ ଅପଡେଟ ଚ୍ୟାନେଲରେ ଫଲୋ କରିବା ପାଇଁ ଏହି ଲିଙ୍କରେ କ୍ଲିକ କରନ୍ତୁ: https://whatsapp.com/channel/0029VaKt8Sq0gcfMSlTf6B43