ଚାରିଛକ୍: ପୁରୁଣା କଟକର ଭୈରବୀ ଡିଗ୍ରୀ ମହାବିଦ୍ୟାଳୟରେ ବୃକ୍ଷରୋପଣ କାର୍ୟ୍ୟକ୍ରମ ଅନୁଷ୍ଠିତ ହୋଇଯାଇଛି। ଭୈରବୀ ଡିଗ୍ରୀ ମହାବିଦ୍ୟାଳୟର ଜାତୀୟ ସେବା ଯୋଜନା ଓ ସ୍ବାମୀ ବିବେକାନନ୍ଦ ଲୋକ ସଂସଦ ସମନ୍ଵୟରେ ପ୍ରାୟ ୮୦ଟି ବୃକ୍ଷ ରୋପଣ କରାଯାଇଛି। ଜାତୀୟ ସେବା ଯୋଜନାର ଅଧିକାରୀ ରଞ୍ଜିତ କୁମାର ସାମଲ ଓ ସ୍ଵାମୀ ବିବେକାନନ୍ଦ ଲୋକ ସଂସଦର ସଂଯୋଜକ ଡ଼ ପ୍ରମୋଦ କୁମାର ମହାପାତ୍ରଙ୍କ ତତ୍ତ୍ଵାବଧାନରେ କାର୍ୟ୍ୟକ୍ରମ ହୋଇଯାଇଛି। ଏହି ଅବସରରେ ସ୍ଥାନୀୟ ଅଞ୍ଚଳର ବୃକ୍ଷ ପ୍ରେମି ଝଡିଆ ବେହେରା ମୁଖ୍ୟ ଅତିଥି ଭାବେ ଯୋଗଦେଇ ବୃକ୍ଷ ରୋପଣ ଉପରେ ଛାତ୍ର ଛାତ୍ରୀଙ୍କୁ ଉତ୍ସାହିତ କରିଥିଲେ। ଏହି ପରିସରରେ ଆମ୍ବ, ଜାମୁ, ଅଁଳା, ବେଲ, ସୁନାରି, କଦମ୍ବ,ପଣସ,କାଜୁ ଇତ୍ୟାଦି ବୃକ୍ଷ ରୋପଣ କରାଯାଇଛି। ଏହି କାର୍ୟ୍ୟକ୍ରମରେ ମହାବିଦ୍ୟାଳୟର ଅଧ୍ୟାପକ ଲଳିତ ମେହେର, ସୁରେଶ୍ଵର ଯୋଶୀ, ପୀତବାସ ମେହେର ଅଧ୍ୟାପିକା ସୁଷମା ରାଣୀ ବହିଦାର, ସୁଭ୍ରା ମଲ୍ଲିକା ପ୍ରଧାନ, ପୁଜା ରାଣୀ ଦେଓ, ଦମୟନ୍ତୀ ନାୟକଙ୍କ ସମେତ ଅଭିମନ୍ୟୁ ସାହୁ, ସୁଧାଂଶୁ ପ୍ରଧାନ, ବିନୋଦ ଭୋକ୍ତା ଓ ସମସ୍ତ କର୍ମଚାରୀ, ଛାତ୍ର ଛାତ୍ରୀ ଯୋଗ ଦେଇ କାର୍ୟ୍ୟକ୍ରମକୁ ସଫଳ କରିଥିଲେ।
Comments are closed.