କଳାପଥର (ବାଙ୍କୀ): ବାଆଁରା ଗ୍ରାମପଞ୍ଚାୟତରେ କଂଗ୍ରେସ ପ୍ରାର୍ଥୀ ଡକ୍ଟର ଦେବାଶିଷ ପଟ୍ଟନାୟକଙ୍କ ଭୋଟ ପ୍ରଚାର ସମୟରେ ତୋଫାନ ବାବୁଙ୍କ କୁନି ଝିଅ ଦିବ୍ୟାଂଶୀ ନିଜ ଜମାରାଶିର ଅର୍ଥ ଡକ୍ଟର ପଟ୍ଟନାୟକଙ୍କୁ ପ୍ରଦାନ କରିଥିଲେ। ଏଥିପାଇଁ ଡକ୍ଟର ଦେବାଶିଷ ପଟ୍ଟନାୟକ କୁନି ଝିଅ ଦିବ୍ୟାଂଶୀର ସାହାଯ୍ୟ ସହଯୋଗ ପାଇଁ ତାକୁ ଧନ୍ୟବାଦ ପ୍ରଦାନ କରିଥିଲେ। ପରେ ରଗଡି ଗ୍ରାମ ପଂଚାୟତର ବିଜେଡି ଯୁବକର୍ମୀମାନେ ବାଙ୍କୀ କଂଗ୍ରେସ କାର୍ଯ୍ୟାଳୟ ଠାରେ ବିଧିବଦ୍ଧ ଭାବରେ କଂଗ୍ରେସ ଦଳରେ ଯୋଗଦାନ କରିଛନ୍ତି। ସେମାନଙ୍କୁ ପୂର୍ବତନ ବିଧାୟକ ତଥା କଂଗ୍ରେସ ପ୍ରାର୍ଥୀ ଡକ୍ଟର ଦେବାଶିଷ ପଟ୍ଟନାୟକ ଅଭିନନ୍ଦନ ଜଣାଇବା ସହିତ କଂଗ୍ରେସ ଦଳରେ ସାମିଲ୍ କରିଥିଲେ। ସେହିପରି ତାଳବସ୍ତ ଗ୍ରାମ ପଂଚାୟତ ପଦନପୁର ଗ୍ରାମର ବିଦ୍ୟାଧର ପଲେଇ, ଲକ୍ଷ୍ମୀଧର ପଲେଇ ଓ ଶ୍ରୀନିବାସ ମଲ୍ଲିକଙ୍କ ନେତୃତ୍ୱରେ ଶତାଧିକ ଯୁବକର୍ମୀମାନେ ବିଜୁ ଜନତାଦଳ ଛାଡି ବାଙ୍କୀ କଂଗ୍ରେସ କାର୍ଯ୍ୟାଳୟ ଠାରେ ବିଧାୟକ ପ୍ରାର୍ଥୀ ଡକ୍ଟର ଦେବାଶିଷ ପଟ୍ଟନାୟକଙ୍କ ଉପସ୍ଥିତିରେ ବିଧିବଦ୍ଧ ଭାବରେ କଂଗ୍ରେସ ଦଳରେ ଯୋଗଦାନ କରିଛନ୍ତି।
Comments are closed.