ଭବାନୀପାଟଣା: ଗତ ୨୫ ବର୍ଷ ଧରି କଳାହାଣ୍ଡି ଜିଲ୍ଲାରେ ଘୁମୁରା ଉତ୍ସବ ପାଳନ କରାଯାଉଛି। ଜିଲ୍ଲା ସାଂସ୍କୃତିକ ପରିଚୟ ଘୁମୁରା ପାଇଁ ଇତିମଧ୍ୟରେ ପ୍ରତାପ କେଶରୀ ଦେଓ ଘୁମୁରା ଏକାଡେମୀ ପ୍ରତିଷ୍ଠା ହେଇଛି। ତେବେ ୨୬ ତମ ଘୁମୁରା ଉତ୍ସବ ଅବସରରେ ସ୍ଥାନୀୟ ଜେଲଖାନା ଛକରେ ଏକ ସ୍ବତନ୍ତ୍ର ଘୁମୁରା ତାଲିମ କେନ୍ଦ୍ର ଉଦଘାଟିତ ହେଇଛି। ରାଜ୍ୟ ସଂସ୍କୃତି ବିଭାଗ ଆନୁକଲ୍ୟରେ ଓଡ଼ିଶା ସଙ୍ଗୀତ ନାଟକ ଏକାଡେମୀ ଦ୍ୱାରା ଆରମ୍ଭ ହେଇଥିବା ମାଁ ମାଣିକେଶ୍ଵରୀ ଘୁମୁରା ପ୍ରଶିକ୍ଷଣ କେନ୍ଦ୍ରକୁ ଜିଲ୍ଲାପାଳ ପି,ଅନ୍ୱେଷା ରେଡ୍ଡୀ ଉଦଘାଟନ କରିଥିଲେ। ଏହି କେନ୍ଦ୍ରରେ ୩୦ ଜଣ ଶିକ୍ଷାର୍ଥୀଙ୍କୁ ଘୁମୁରା ଗୁରୁ କୈଳାସ ଚନ୍ଦ୍ର ସିଂହ ଏବଂ ଚୈତନ୍ୟ ରାଉତ ଘୁମୁରା ତାଲିମ ଦେବେ।
Comments are closed.