ଗୋପାଳପୁର: ବ୍ରହ୍ମପୁର ସ୍ଥିତ ସାତ୍ତ୍ୱିକ ସୋଲ୍ ଫାଉଣ୍ଡେସନ ଟିମ୍ ପକ୍ଷରୁ ପାଲୁର ହିଲ୍ ଠାରେ ଥିବା ନିଷ୍ଟ ଶିକ୍ଷା ଅନୁଷ୍ଠାନ, ଏନସିସି ଏବଂ ଏନଏସଏସ ସହଯୋଗରେ କ୍ୟାମ୍ପସ ପରିସରରେ ପ୍ଲାଷ୍ଟିକ ସଚେତନତା କାର୍ଯ୍ୟକ୍ରମ ଆୟୋଜନ ହୋଇଥିଲା। ଏହି କାର୍ଯ୍ୟକ୍ରମରେ ନିଷ୍ଟ ଅନୁଷ୍ଠାନର ଛାତ୍ର ଛାତ୍ରୀଙ୍କ ସହ ଅନ୍ୟାନ୍ୟ ମହାବିଦ୍ୟାଳୟର ଛାତ୍ରଛାତ୍ରୀ ଉପସ୍ଥିତ ହୋଇଥିଲେ। ସାତ୍ତ୍ୱିକ ସୋଲ୍ ଫାଉଣ୍ଡେସନ ବ୍ରହ୍ମପୁର ଟିମର ସଦସ୍ୟ ମାନେ ପ୍ଲାଷ୍ଟିକର ବିଭିନ୍ନ ସାମଗ୍ରୀ କିପରି ପରିବେଶକୁ ପ୍ରଦୂଷଣ କରୁଛି ସେ ନେଇ ବିସ୍ତାର ଭାବରେ ବୁଝାଇଥିଲେ। ଏହା ସହ ନିଷ୍ଟ ଶିକ୍ଷା ଅନୁଷ୍ଠାନ ପରିସରକୁ ପ୍ଲାଷ୍ଟିକମୁକ୍ତରେ ପରିଣତ କରିବା ପାଇଁ ଶପଥ ପାଠ କରାଇଥିଲେ। ଏହି କାର୍ଯ୍ୟକ୍ରମରେ ନିଷ୍ଟ ଅନୁଷ୍ଠାନର ଅଧ୍ୟକ୍ଷ ପି. ରାଜେଶ କୁମାର, ଡ଼. ସବ୍ୟସାଚୀ ରଥ, ଡ଼. ପ୍ରୀତି ରଞ୍ଜନ ସାହୁ, ଏନଏସଏସ ସଂଯୋଜକ ପ୍ର. ନୃସିଂହ ପ୍ରସାଦ ତ୍ରିପାଠୀ,ଏନସିସି ସଂଯୋଜକ ପ୍ର. ଆଲୋକ ପାତ୍ର, ପବିତ୍ର ଗୌଡ଼, ଡ଼. ଅମରନାଥ ପାଢ଼ୀ, ଦୁର୍ଗାମାଧବ ପାଢ଼ୀ, ପିତାମ୍ବର ସାହୁ, ଏବଂ ସାତ୍ତ୍ୱିକ ସୋଲ ଫାଉଣ୍ଡେସନର ସ୍ବେଚ୍ଛାସେବୀ ଜିଲ୍ଲା ସଂଯୋଜକ ଭାରତ ଗୌରବ ଦାଶଙ୍କ ସହ ଅନ୍ୟ ସଦସ୍ୟ ମାନେ ଭାଗ ନେଇଥିଲେ। ସେହିପରି ଏନସିସି ତରଫ ରୁ ସ୍ୱୟଂ ଶୁଭମ, ଶ୍ରୀୟା ପଣ୍ଡା, ସାଗରୀକା ମହାପାତ୍ର, ରାଶି ରାୟ, ହର୍ଷିତ ଦୋରା, ଯୁଗନି ବରାଡ଼, ଅଂଶୁମାନ ଦାଶ, ଅଂଶୁମାନ ପାଢ଼ୀ ପ୍ରମୁଖ ଭାଗ ନେଇଥିଲେ।
Comments are closed.