ଭୁବନେଶ୍ବର: ୨୦୨୨ ବର୍ଷ ପାଇଁ ବିଜୁ ଯୁବ ସଶକ୍ତୀକରଣ ଯୋଜନା (ଲାପ୍ଟପ୍ ଡିବିଟି ଯୋଜନା) ରେ ମେଧାବୀ ଛାତ୍ରଛାତ୍ରୀଙ୍କୁ ଲାପ୍ଟପ୍ ପାଇଁ ସହାୟତା ପ୍ରଦାନ କରାଯିବ। ଏଥିପାଇଁ ସଞ୍ଚାର (ଅନ୍ଲାଇନ୍)ରେ ଆବେଦନ ଜାରି ରହିଛି। ଆସନ୍ତା ୩୧ ପର୍ଯ୍ୟନ୍ତ ଆବେଦନ ଅବଧିକୁ ବଢ଼ାଇ ଦିଆଯାଇଛି। ୧୬ ତାରିଖ ଆବେଦନର ଶେଷ ତାରିଖ ଥିବାବେଳେ ଅଧିକ ଯୋଗ୍ୟ ଛାତ୍ରଛାତ୍ରୀ ଯେପରି ଆବେଦନ କରିପାରିବେ; ଏହାକୁ ଦୃଷ୍ଟିରେ ରଖି ଆବେଦନ ଅବଧି ବୃଦ୍ଧି ହୋଇଛି। ୨୦୨୨ରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ (ସିଏଚ୍ଏସ୍ଇ) ଏବଂ ଏସ୍ଏସ୍ଜେୟୁ ବୋର୍ଡ ପରୀକ୍ଷାରେ ଉତ୍ତୀର୍ଣ୍ଣ ଛାତ୍ରଛାତ୍ରୀ www.scholarship.odisha.gov.inରେ ଆବେଦନ କରିପାରିବେ ବୋଲି ଉଚ୍ଚଶିକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି।
Comments are closed.